Վրաստանում Եվրամիության դեսպան Պավել Հերչինսկին ասել է, որ հենց Վրաստանը միանա Եվրամիությանը, Վրաստանի քաղաքացիները կօգտվեն «լիարժեք աշխատանքային իրավունքներից», որոնք ներառում են սոցիալական ապահովություն, պարտադիր ապահովագրություն, աշխատավարձ և կենսաթոշակ։
Լրահոս
Ընթերցողի ընտրանի
- 1 Դպրոցներում պարտադիր հիմնական կրթությունը 9-ի փոխարեն սահմանվել է 10 դասարան
- 2 Այսօրվանից չեղարկված հին նույնականացման քարտերով թոշակ ստանալ հնարավոր կլինի ևս մեկ ամիս
- 3 Բոլնիսիում ռազմական ուղղաթիռի կործանման հետևանքով մեկ մարդ է զոհվել
- 4 «Վրացական երազանքը» ընտրություններից առաջ պատրաստվում է համաներում հայտարարել
- 5 Վրաստանը ՄԱԿ-ում կողմ է քվեարկել Զապորոժիեի կայանից ռուսական ուժերի դուրսբերմանը
- 6 Միլլերի խոսքով՝ ՆԱՏՕ-ի գագաթնաժողովին հրավիրվել է Վրաստանի արտաքին գործերի նախարարը
Հերչինսկին պատասխանել է այն հարցին, թե արդյոք ԵՄ-ի թեկնածուի կարգավիճակը կարող է բարելավել աշխատանքային իրավունքները Վրաստանում և հեշտացնել Վրաստանի քաղաքացիների օրինական աշխատանք գտնելը ԵՄ երկրներում։
«ԵՄ-ն և Վրաստանը միասին աշխատում են Վրաստանի քաղաքացիների համար աշխատատեղերի և աշխատաշուկայի զարգացման ուղղությամբ՝ ընդլայնելով բարձրորակ մասնագիտական կրթությունը, բարելավելով աշխատանքային քաղաքականությունը և աջակցելով ձեռներեցության կրթությանը:
Որպես Եվրամիությանն անդամակցելու գործընթացի մաս, Վրաստանը պետք է համապատասխանեցնի զբաղվածության և աշխատանքի բնագավառում գործող իր ողջ օրենսդրությունը Եվրամիության օրենքների հավաքածուին, Եվրամիության օրենսդրությանը և ապահովի դրա կիրարկումը: Սա ներառում է դրական փոփոխություններ՝ կապված աշխատանքային պայմանների, աշխատանքային ժամերի, խտրականության բացառման և աշխատողների այլ իրավունքների ու պարտականությունների հետ։
Քանի որ Եվրամիությանն անդամակցությունը վերջիվերջո նշանակում է ստանալ և օգտվել «չորս ազատություններից»՝ ապրանքների, կապիտալի, ծառայությունների և մարդկանց տեղաշարժի ազատությունից, երբ Վրաստանը միանա Եվրամիությանը, Վրաստանի քաղաքացիները կօգտվեն աշխատանքային լիարժեք իրավունքներից Եվրոպական միության ողջ տարածքում։ Դրանք ներառում են սոցիալական ապահովությունը և պարտադիր ապահովագրությունը, պաշտոնական զբաղվածությունը, աշխատավարձերը և կենսաթոշակները: Անդամակցության գործընթացում Վրաստանի կառավարությունը ստիպված կլինի շտկել Վրաստանի և Եվրամիության միջև առկա բացերը աշխատանքային ստանդարտների և սոցիալական պաշտպանության առումով»,- ասել է Պավել Հերչինսկին։
Վրաստանը Եվրամիության թեկնածու երկրի կարգավիճակ ստացավ 2023 թվականի դեկտեմբերին՝ պայմանով, որ երկիրը քայլեր կձեռնարկի 9 ուղղություններով։
Եվրամիությունը Վրաստանից պահանջում է պայքարել ապատեղեկատվության, օտարերկրյա տեղեկատվական մանիպուլյացիայի և իր արժեքներին միջամտելու դեմ, բարելավել Վրաստանի արտաքին քաղաքականության համապատասխանությունը Եվրամիության ընդհանուր արտաքին և անվտանգության քաղաքականությանը, պայքարել քաղաքական բևեռացման դեմ, ապահովել ազատ, արդար և մրցակցային ընտրական գործընթաց, հատկապես 2024 թվականին, բարելավել խորհրդարանական վերահսկողությունը, դատաիրավական բարեփոխումներ անել, ապահովել Հակակոռուպցիոն բյուրոյի, Հատուկ քննչական ծառայության և անձնական տվյալների պաշտպանության ծառայության արդյունավետությունը, անկախությունը և անաչառությունը, կատարելագործել ապաօլիգարխիզացիայի վերաբերյալ գործող գործողությունների ծրագիրը, բարելավել մարդու իրավունքների պաշտպանության չափանիշները։
Պայմանների կատարումն անհրաժեշտ է անդամակցության բանակցություններ սկսելու փուլին անցնելու համար։
![Վրաստանի լուրեր](/images/a2.png#joomlaImage://local-images/a2.png?width=80&height=80)