Գերմանիայի Բունդեսթագի արտաքին հարաբերությունների հանձնաժողովի նախագահ Միխայել Ռոթը հայտարարել է, որ Եվրամիության բազմաթիվ երկրների կառավարություններ արդեն քննարկում են Վրաստանի համար վիզայի ռեժիմի ազատականացումը կասեցնելու հարցը։
Լրահոս
Ընթերցողի ընտրանի
- 1 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 ԿԸՀ-ի դիմումի հիման վրա կառավարությունը հոկտեմբերի 25-ը հայտարարել է ոչ աշխատանքային օր
- 6 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
«Հիշում եք, երբ մենք ձեզ հետ վերջին հարցազրույցն ունեցանք, ես կտրականապես դեմ էի առանց վիզայի ռեժիմի կասեցմանը, բայց ես փոխել եմ իմ դիրքորոշումը և ինձ համար շատ դժվար է։ Ես գիտեմ, որ իմ ընկերները պետք է շատ թանկ գին վճարեն դրա համար, բայց սա ամենակարևոր գործիքն է, որ մենք ունենք մեր կողմից, որպեսզի հստակ ուղերձ հղենք Թբիլիսիին՝ դադարեցնել այս հակաժողովրդավարական քաղաքականությունը»,- ասել է Ռոթը «Պալիտրանյուսին» տված հարցազրույցում։
Նրա խոսքով՝ գինը պետք է վճարի «Վրացական երազանքի» կառավարությունը։ Միաժամանակ Միխայել Ռոթը հույս է հայտնում, որ հնարավոր է խուսափել նման իրավիճակից։
«Դուք չեք կարող ապրել երկու աշխարհում։ Սա սերբական ճանապարհն է։ Սերբիայի առաջնորդ պարոն Վուչիչն ասում է իր ժողովրդին՝ մենք կարող ենք երկուսն էլ ունենալ։ Մենք շատ սերտ պատմական տնտեսական կապեր ունենք Ռուսաստանի հետ, բայց մյուս կողմից փող ենք ստանում Բրյուսելից և գերմանական ներդրումներից։ Ոչ մի կերպ։ Եթե իշխող կուսակցությունն ինձ հարցնի, կասեմ՝ ընկերներ, սերբական մոդելը խթանող չէ»,- ասել է Ռոթը։
Գերմանացի պատգամավորը խոսել է նաև Վրաստանի՝ Եվրամիությանն անդամակցելու խնդրի մասին և ասել, որ կառավարության հակաժողովրդավարական քաղաքականությունը անհամատեղելի է ԵՄ անդամակցության հետ։
«Անդամակցության բանակցություններ սկսելու շանս չկա։ Կրկին այս հակաժողովրդավարական քաղաքականությունն անհամատեղելի է անդամակցության հետ: Դրա համար մենք այստեղ ենք, որպեսզի մարդկանց ասենք՝ եթե ցանկանում եք միանալ ԵՄ-ին, փոխեք երկիրը, վերադարձրեք այս երկիրը ուղու վրա: Առանց դրա՝ մենք կոչ ենք անում [ԵՄ] անհատական պատժամիջոցներ կիրառել, կոչ ենք անում դադարեցնել առանց վիզայի ռեժիմը, դադարեցնել անդամակցության բանակցությունները և
եթե կարծում եք, որ այս խելագարը՝ Միխայել Ռոթը, հեռու է եվրոպական իրականությունից, մենք խոստանում ենք կառավարող կուսակցությանը, այս կառավարությունը երբեք չի համոզի մեր անդամ երկրներին սկսել անդամակցության բանակցությունները։ Դա չի աշխատի»,- ասել է Ռոթը։
Նոյեմբերի 11-ին Թբիլիսիում էր ԵՄ 8 երկրների խորհրդարանականների պատվիրակությունը։ Օրվա ընթացքում նրանք հանդիպել են նախագահ Սալոմե Զուրաբիշվիլիի, ընդդիմության և քաղաքացիական հասարակության ներկայացուցիչների հետ, որից հետո միացել են Ռուսթավելի պողոտայում անցկացված բողոքի ակցիային և դիմել ցուցարարներին։ Եվրոպացի պատգամավորները ցանկանում էին խորհրդարանում հանդիպել նաև «Վրացական երազանքի» ներկայացուցիչների հետ, սակայն խորհրդարանի նախագահ Շալվա Պապուաշվիլին հրաժարվել էր հանդիպումից։
