Եվրոպական միության խորհուրդը որոշել է 10 մլն եվրո հատկացնել Հայաստանի զինված ուժերին աջակցելու համար։ Եվրամիությունն առաջին անգամ Հայաստանին օգնություն կտրամադրի Խաղաղության եվրոպական հիմնադրամից։
Լրահոս
Հաշմանդամ ակտիվիստը, ում տվյալները ներառվել են գործակալների ռեգիստրում, դատի է տվել արդարադատության նախարարությանը
Եվրախորհրդի կոնգրեսը խորը մտահոգություն է հայտնում Վրաստանում ժողովրդավարության հետընթացի կապակցությամբ
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Թբիլիսիում սպանվել է տրանսգենդեր կին Կեսարիա Աբրամիձեն
Խորհրդի կողմից հրապարակված հայտարարության մեջ ասվում է, որ օգնության նպատակն է ամրապնդել Հայաստանի զինված ուժերի նյութատեխնիկական կարողությունները և բարելավել խաղաղ բնակչության պաշտպանությունը ճգնաժամերի և արտակարգ իրավիճակների ժամանակ։ Այն նաև նպատակ ունի բարձրացնել Հայաստանի կայունությունը և արագացնել նրա զինված ուժերի փոխգործունակությունը միջազգային, ներառյալ ԵՄ, ռազմական առաքելություններին և գործողություններին՝ երկրի հնարավոր հետագա մասնակցության դեպքում:
«Անվտանգությունը գնալով դառնում է Հայաստանի հետ մեր երկկողմ հարաբերությունների կարևոր տարրը։ Եվրոպական խաղաղության մեխանիզմի այս միջոցն էլ ավելի կնպաստի երկրի կայունությանը։ Մենք փոխադարձ շահագրգռվածություն ունենք ընդլայնելու մեր երկխոսությունը արտաքին և անվտանգության քաղաքականության վերաբերյալ, ինչպես նաև քննարկելու Հայաստանի ապագա մասնակցությունը ԵՄ-ի գլխավորած առաքելություններին և գործողություններին», - ասել է ԵՄ արտաքին հարաբերությունների և անվտանգության քաղաքականության գերագույն ներկայացուցիչ Ժոզեֆ Բորելը։
Եվրոպական միության խորհուրդը պարզաբանում է, որ նշված աջակցությունը կիրականացվի Հայաստանի հետ Եվրամիության գործընկերության շրջանակներում, որը հիմնված է ընդհանուր արժեքների վրա և նպատակ ունի նպաստել Հայաստանում և Հարավային Կովկասում խաղաղությանը, կայունությանը և բարգավաճմանը։
Երեք տարի առաջ ստեղծված Խաղաղության եվրոպական հիմնադրամը օգնել է նաև Վրաստանի Պաշտպանության ուժերին, սակայն այն բանից հետո, երբ «Վրացական երազանքը» ընդունեց ռուսական օրենքը, Եվրամիությունը դադարեցրեց 30 միլիոն եվրոյի հատկացումը։ Ինչպես ասել է դեսպան Պավել Հերչինսկին, «իրավիճակի հետագա վատթարացման դեպքում կդիտարկվի այլ միջոցների ձեռնարկում»։
Խաղաղության եվրոպական հիմնադրամի աջակցությունը Վրաստանին միշտ ավելացել է։ 2021 թվականի դեկտեմբերին Պաշտպանության ուժերի հզորացման համար հաստատվել է 12․75 միլիոն եվրո, 2022 թվականին՝ 20 միլիոն եվրո, իսկ 2023 թվականին՝ 30 միլիոն եվրո։ Անցյալ տարի Վրաստանի պաշտպանության ուժերի ստորաբաժանումների համար ֆինանսավորվել են ոչ մահաբեր սարքավորումներ, մատակարարումներ, ծառայություններ և, ըստ անհրաժեշտության, տեխնիկական պատրաստություն։
Այս թեմայով՝
Այս 30 միլիոնը ոչինչ չի որոշում և նույնիսկ չի օգտագործվել մեր բանակը զինելու համար. Քադագիշվիլի