Avropa İttifaqı Şurası Ermənistan silahlı qüvvələrinə dəstək üçün 10 milyon avro ayırmağa qərar verib. Avropa İttifaqı ilk dəfə olaraq Avropa Sülh Fondundan Ermənistana yardım edəcək.
Əsas xəbərlər
Şuranın dərc etdiyi bəyanatda deyilir ki, yardımın məqsədi Ermənistan Silahlı Qüvvələrinin maddi-texniki imkanlarını gücləndirmək, böhran və fövqəladə hallar zamanı mülki əhalinin müdafiəsini yaxşılaşdırmaqdır. O, həmçinin Ermənistanın davamlılığını artırmaq və ölkənin beynəlxalq, o cümlədən Aİ hərbi missiyaları və əməliyyatlarında gələcəkdə mümkün iştirakı halında onun silahlı qüvvələrinin qarşılıqlı fəaliyyətini sürətləndirməyi hədəfləyir.
“Təhlükəsizlik Ermənistanla ikitərəfli münasibətlərimizin getdikcə daha vacib elementinə çevrilir. Avropa sülh mexanizminin bu tədbiri ölkənin sabitliyinə daha da töhfə verəcək. Xarici siyasət və təhlükəsizlik siyasəti üzrə dialoqumuzun genişləndirilməsində, eləcə də Ermənistanın Aİ-nin rəhbərlik etdiyi missiya və əməliyyatlarda gələcək iştirakını müzakirə etməkdə qarşılıqlı marağımız var”, - Aİ-nin Xarici İşlər və Təhlükəsizlik Siyasəti Üzrə Ali Nümayəndəsi Cozef Borrel bildirib.
Avropa İttifaqı Şurası izah edir ki, sözügedən dəstək Avropa İttifaqının Ermənistanla ortaq dəyərlərə əsaslanan və Ermənistanda və Cənubi Qafqazda sülh, sabitlik və rifahı təşviq etmək məqsədi daşıyan tərəfdaşlığı çərçivəsində həyata keçiriləcək.
Üç il əvvəl yaradılan Avropa Sülh Fondu Gürcüstan Müdafiə Qüvvələrinə də kömək edirdi, lakin “Gürcü Arzusu” rus qanununu qəbul etdikdən sonra Avropa İttifaqı 30 milyon avro vəsaitin ayrılmasını dayandırdı. Səfir Pavel Herçinskinin bildirib ki, “vəziyyətin daha da pisləşəcəyi təqdirdə, digər tədbirlərin görülməsinə də baxılacaq”.
Avropa Sülh Fondunun Gürcüstana dəstəyi artan xarakter daşıyırdı: müdafiə qüvvələrini gücləndirmək üçün 2021-ci ilin dekabrında 12,75 milyon avro, 2022-ci ildə 20 milyon avro, 2023-cü ildə 30 milyon avro təsdiq edilib. Ötən il Gürcüstan Müdafiə Qüvvələrinin bölmələri üçün qeyri-öldürücü avadanlıq, təchizat, xidmətlər və ehtiyacdan asılı olaraq texniki təlimlər maliyyələşdirilib.
Bu mövzuda baxın:
