Հարավային Կովկասում և Վրաստանում ճգնաժամի հարցերով Եվրամիության հատուկ ներկայացուցիչ, Ժնևում միջազգային քննարկումների համանախագահ Տոյվո Կլաարը, ով գտնվում էր օկուպացված Ցխինվալիում, Հարավային Օսիայի դե ֆակտո իշխանություններին կոչ է արել վերականգնել այսպես կոչված սահմանի անցակետերի աշխատանքը և պարզեցնել դրանց անցումը օկուպացիոն գծի մոտ ապրող բնակչության համար։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
«Մենք պետք է մտածենք, թե ինչպես կանխել սահմանի խախտումները, ինչպես նաև ստեղծել ավելի շատ հնարավորություններ սահմանը հատելու համար։ Մենք ցանկանում ենք, որ Ժնևի քննարկումները ավելի շատ ժամանակ հատկացնեն սահմանի երկու կողմերում գտնվող մարդկանց կյանքի բարելավմանը: Բաժանարար գծերը սովորաբար խանգարում են մարդկանց գնալ եկեղեցիներ, գերեզմաններ, գյուղատնտեսական նշանակության հողեր։ Մենք ցանկանում ենք, որ Հարավային Օսիան վերադառնա նախաքովիդային շրջան՝ անցակետերի քանակի և սահմանը հատելու դյուրինության առումով»,- ասել է Կլաարը։
Ժնևի բանակցությունների համանախագահները ժամանել են Ցխինվալի՝ քննարկելու ապրիլի 4-5-ը նախատեսված բանակցությունների հաջորդ փուլի օրակարգը։ Պատվիրակության կազմում էին ՄԱԿ-ից Ջիհան Սուլթանօղլուն, Եվրամիությունից՝ Տոյվո Կլաարը և ԵԱՀԿ-ից Վիորել Մոշանուն։
2019 թվականի սեպտեմբերին Հարավային Օսիայի դե ֆակտո իշխանությունները փակեցին այսպես կոչված «Ռազդախանի» (Օձիսի) անցակետը, ինչի պատճառը այն ժամանակվա դե ֆակտո նախագահ Անատոլի Բիբիլովը նշել է Խաշուրիի մունիցիպալիտետի Չորչանա գյուղում ոստիկանական անցակետի տեղադրումը։ Դե ֆակտո կառավարությունը պնդում է, որ վրացական պոստը գտնվում է օկուպացված տարածքում՝ Ծնելիս (Ուիստա) գյուղում, և շարունակում են պահանջել այն հեռացնել։ 2022 թվականի օգոստոսին ինքնահռչակ հանրապետության Անվտանգության խորհուրդը օկուպացիոն գծի մոտ ապրող բնակչությանը թույլատրեց այսպես կոչված սահմանը հատել «Ռազդախանի» և «Պերեուի» (Պերև) անցակետերով՝ յուրաքանչյուր ամսվա 20-ից 30-ը ընկած ժամանակահատվածում:
