«Վրացական երազանքը» սկսում է տարածաշրջաններում հանդիպումներ անցկացնել կուսակցության ակտիվիստների ու համակիրների հետ։ Այս մասին այսօր Իրակլի Ղարիբաշվիլին հայտարարել է «Վրացական երազանքի» նախագահի պաշտոնում անցկացրած առաջին ճեպազրույցում։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
«Մարտից սկսած՝ առաջիկա 100 օրվա ընթացքում նախատեսում եմ այցելել 10 տարածաշրջան։ Տասը արտագնա միջոցառում եմ ունենալու։ Ես պատրաստվում եմ հանդիպել մեր կուսակցության ներկայացուցիչներին, տարածաշրջանային կազմակերպությունների ղեկավարներին, մեր ակտիվներին, բնակչությանը, որպեսզի տեղում ծանոթանամ նրանց կարիքներին»,- ասել է Իրակլի Ղարիբաշվիլին։
Նրա խոսքով, հանդիպումների հիմնական նպատակը լինելու է նախընտրական քարոզարշավի նախապատրաստումը.
«Մեր կուսակցությունը պետք է պատրաստվի ընտրություններին։ Մեր հռչակած նպատակը այս ընտրություններում առավելագույն արդյունք ստանալն է։ Դրա համար անհրաժեշտ է մոբիլիզացնել մաքսիմալ, մոբիլիզացնել մեր ռեսուրսները, մեր ակտիվները՝ այս ընտրություններում հզոր հաղթանակ և ուժեղ արդյունք ստանալու համար։ Մեր նպատակն է հաջորդ խորհրդարանական ընտրություններում սահմանադրական մեծամասնություն ստանալ»։
Այսօրվա ճեպազրույցում Իրակլի Ղարիբաշվիլին քննադատել է ընդդիմադիր կուսակցություններին և ասել, որ ընտրողների մեծամասնությունը սատարում է «Վրացական երազանքին»։
«Ի՞նչ այլընտրանք ունեն այսօր մեր ընտրողները. Այլընտրանքը կրկին խոշտանգումն է, բռնաբարությունը, սարսափը, մահն ու պատերազմը։ Սա առաջարկում է «Ազգային շարժումը» և, ցավոք, բոլոր կուսակցությունները, այդ թվում՝ լուծարված՝ քայքայված կուսակցությունները, կցված են այս կուսակցությանը։ Ամեն մեկն իր խաղն է խաղում, ուրիշ խաղ չկա։ Կառավարության այլընտրանքը մեկն է՝ խաղաղությունը, կայունությունը, զարգացումը, այդ թվում՝ բարգավաճումը, իսկ մյուս կողմից՝ թշվառությունը։ Դուք մոռացե՞լ եք, թե ինչ վիճակում էին նրանք երկու տարի առաջ: Նրանց նպատակն էր բացել երկրորդ ճակատ՝ ուկրաինացում, երկրի կործանում։ Մենք սա թույլ չենք տա։ Մենք թույլ չենք տա, որ այս երկրի դավաճաններն ու թշնամիները երկրորդ անգամ կործանեն երկիրը»,- ասել է Ղարիբաշվիլին։
Իրակլի Ղարիբաշվիլին փետրվարի 2-ին կուսակցության համագումարում ընտրվել է «Վրացական երազանքի» նախագահ։ Օրեր առաջ նա հայտարարեց վարչապետի պաշտոնից հեռանալու մասին։ Իրակլի Ղարիբաշվիլիին փոխարինել է Իրակլի Կոբախիձեն, ով «Վրացական երազանքի» նախագահն էր 2021 թվականից։
