«Գիրչի՝ ավելի շատ ազատություն» և «Դրոա» կուսակցությունները ընտրական դաշինք են կազմում։ «Մեզ միավորում է զրոյական համագործակցությունը ռուսական ռեժիմի հետ, ապագայի հստակ տեսլականը, խորհրդային միակուսակցական համակարգը ժամանակակից, արևմտյան տիպի կոալիցիոն կառավարմամբ փոխարինելու մոտիվացիան։ Մենք նորմալ ընտրություն ենք ստեղծում Վրաստանի քաղաքացիների համար»,- ասված է «Դրոայի» տարածած հայտարարության մեջ։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
2024 թվականի հոկտեմբերին Վրաստանում առաջին անգամ ամբողջությամբ համամասնական կարգով կանցկացվեն խորհրդարանական ընտրություններ։ Խորհրդարանի անդամների մանդատները կբաշխվեն այն քաղաքական կուսակցություններին, որոնք ստացել են ընտրություններին մասնակցող ընտրողների իրական ձայների առնվազն 5%-ը։
2022 թվականի հոկտեմբերին երեք ընդդիմադիր՝ «Գիրչի՝ ավելի շատ ազատություն», «Դրոա» և «Ստրատեգիա Աղմաշենբելի» կուսակցությունները միավորվեցին՝ Եվրամիության թեկնածուի կարգավիճակ ստանալու և «Վրացական երազանքին» հաղթելու համար։ «Այս փակուղային իրավիճակից ելքը մենք տեսնում ենք միասնության մեջ՝ թե՛ գործողությունների ծրագրի, թե՛ քաղաքական, ոչ քաղաքական, եվրոպամետ միասնության առումով։ Ուրիշ ճանապարհ չկա, և դրան են սպասում մեր արևմտյան գործընկերները, բայց առաջին հերթին դրան է սպասում մեր վրաց ժողովուրդը»,- ասել է «Ստրատեգիա Աղմաշենեբելիի» առաջնորդ Գիորգի Վաշաձեն։
2023 թվականի հուլիսի 20-ին «Ազգային շարժումը» և «Ստրատեգիա Աղմաշենեբելին» ստեղծեցին նոր քաղաքական հարթակ։
2020 թվականի խորհրդարանական ընտրություններում «Գիրչի» կուսակցությունը ստացել է ընտրողների ձայների 2․89 տոկոսը (55 598 ձայն), «Ստրատեգիա Աղմաշենեբելին»՝ 3․15 տոկոսը (60 671 ձայն)։