Ռուսական օրենքի դեմ անցկացված հանրահավաքներին տուգանվածներին օգնելու համար կազմակերպված ակցիա-համերգին առնվազն 250 հազար լարի է հավաքվել։ Այս գումարը չի ներառում արտերկրից կատարված հանգանակությունները։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
Հունիսի 2-ին Թբիլիսիում՝ Հանրապետության հրապարակում, տեղի է ունեցել բարեգործական ակցիա-համերգ։ Դրան մասնակցել են մոտ 30 վրացի երաժիշտներ, որոնց թվում են եղել Գիորգի Ուշիկիշվիլին, Նինո Քաթամաձեն, Նիկոլոզ Ռաճվելին, Մերաբ Սեփաշվիլին, Թամադան, Լելա Ծուրծումիան, Ռոբի Կուխիանիձեն, Loudspeakers, «Անելանելի իրավիճակ» խմբերը և այլն։
«Ժամը մեկի տվյալներով՝ այսօր տուգանքների ֆոնդի համար հավաքվել է 250 հազար լարի»,- համերգից հետո գրել է «Դաիտովե» ֆեյսբուքյան խմբի ադմինիստրատոր Նենսի Ուոլանդը։
Ապրիլի 15-ից Թբիլիսիում բազմահազարանոց բողոքի ցույցեր են անցկացվել այսպես կոչված օտարերկրյա գործակալների մասին օրենքի ընդունման դեմ։ Ճանապարհը փակելու, մանր խուլիգանության և ոստիկանների պահանջներին չենթարկվելու պատրվակով ՆԳՆ աշխատակիցները վարչական իրավախախտումների արձանագրություններ են կազմել ավելի քան 200 անձի նկատմամբ։ Թբիլիսիի քաղաքային դատարանը տուգանում է գրեթե բոլորին։ 18-ամյա ակտիվիստ Գիորգի Դումբաձեն տուգանվել է 5000 լարիով, իսկ դպրոցի աշակերտ Սանդրո Ջոխաձեն՝ 2200 լարիով։ Հասարակական կազմակերպությունների փաստաբանները դատարանում պաշտպանում են ակցիայի մասնակիցների շահերը։
«Ընդհանուր առմամբ, հավանաբար, տուգանքների չափը կհասնի մեկ միլիոն լարիի»,- ասել է նախկին հանրային պաշտպան Նինո Լոմջարիան։ Նրա գնահատմամբ՝ ընտրովի արդարադատություն է իրականացվում այն երիտասարդների նկատմամբ, ովքեր դեմ են ռուսական օրենքին, քանի որ պետությունը չի արձագանքում իշխանությունների կողմից խրախուսվող բռնարարներին, որոնք ամեն օր հարձակվում են ակտիվիստների և քաղաքական գործիչների վրա։
Բարեգործական համերգի ժամանակ հավաքված գումարը կօգնի նաև անազատության մեջ գտնվող քաղաքացիներին։ Այս պահին նախնական կալանքի տակ են գտնվում ակցիաների 9 մասնակիցներ, որոնց դատախազությունը մեղադրանք է առաջադրել ոստիկանի նկատմամբ բռնություն գործադրելու և գույքը վնասելու համար։
