Կենդանիների իրավունքների պաշտպան, ակտիվիստ Լուկա Կինծուրաշվիլին Ներքին գործերի նախարարության աշխատակիցներին մեղադրում է լիազորությունները չարաշահելու և ոչ պատշաճ վերաբերմունքի մեջ։ Նրա խոսքով՝ հուլիսի 9-ին իրեն ապօրինի ձերբակալել են կանգառում, Թբիլիսիից տեղափոխել Գուրջաանիի կալանավայր և երկու օր թույլ չեն տվել զանգահարել իր փաստաբանին։ Ակտիվիստը պատմում է, որ ոստիկանական բաժանմունքում իրեն փորձել են վախեցնել և ստիպել ջնջել մինչև ձերբակալությունը արված տեսանյութը։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Թբիլիսիում սպանվել է տրանսգենդեր կին Կեսարիա Աբրամիձեն
Ֆեյսբուքում հրապարակված գրառման մեջ Լուկա Կինծուրաշվիլին գրում է, որ հուլիսի 9-ին, ցերեկը ժամը 3-ին, ինքը գնում էր կենդանիների խանութ, երբ կանգառում նրան կանգնեցրել են քաղաքացիական հագուստով երեք ոստիկաններ և պահանջել ներկայացնել փաստաթղթերը։ Կինծուրաշվիլիի խոսքով՝ ոստիկաններն իր հետ կոպիտ են խոսել ու չեն բացատրել, թե ինչու են իրեն ստուգում, ինչի պատճառով էլ նա անհրաժեշտ է համարել տեսանկարահանում։ Նրա պատմածի համաձայն՝ տեսանյութը նկարահանելիս ոստիկաններից մեկը ձեռքը բռնել է ու խլել հեռախոսը։
«Ես չեմ տվեկ հեռախոսը։ Մոտ 10 րոպեից գալիս է մգեցված ապակիներով սև մեքենա, որտեղ ոչինչ չի երևում։ Դուրս է գալիս մի ուրիշ անձ, նա ինձ հարցնում է, թե ինչ է կատարվում Լուկա: Նա ձեռքը մեկնում է դեպի ինձ, - ես չեմ սեղմում նրա ձեռքը և բացատրում, թե ինչ էր կատարվում: Նա ձեռքս բռնեց ու խլեց հեռախոսս։ Դրեք մեքենան... Ձեռքերս այնպես ոլորեցին, որ երկու օր ցավեց։ Մի քանի րոպեից նա կանգնեցրեց մեքենան, ես խնդրեցի, որ ինձ տանի ոստիկանություն, քանի որ ես ինձ ապահով չեմ զգում։ Նա բղավում ու հայհոյում էր ինձ։ Հետո խուզարկեցին իմ պայուսակը նաև մեքենայի մեջ։ Այդ ժամանակ ես խնդրեցի, որ կողքով անցնողին խնդրեն մասնակցել խուզարկությանը։ Երբ պայուսակում ոչինչ չգտան, ինձ ձեռնաշղթաներով տարան ոստիկանություն»,- գրել է Լուկա Կինծուրաշվիլին։
Լուկա Կինծուրաշվիլիի խոսքով, գերատեսչությունը նրան բացատրել է, որ իրեն ձերբակալել են ոստիկանության գործունեությունը խոչընդոտելու համար, և նրան խնդրել են ստորագրել արձանագրությունը։
«Ես խնդրել եմ կապ հաստատել ընտանիքի հետ կամ փաստաբանի հետ։ Բաժանմունքում ինձ հարցրին, թե ինչ եմ մտածում շեղումների մասին, մայիսի 17-ի, ինձ առաջարկեցին ոչխար մորթել և խմել նրա արյունը (ես վեգան եմ), ինչ եմ մտածում աբորտի մասին՝ եթե կենդանիների կյանքը հետաքրքրում է, ինչո՞ւ եմ երեխաներին «սպանելուն» կողմնակից, և ինչն է ամենից նյարդայնացնում, մի կին էր ինձ հարցնում։
Հազար հիմարությունների մասին խոսելուց հետո ոստիկանապետը դուրս է գալիս ու մինչ նա ինձ հետ խոսում էր, հիմա տղաս էլ միս չի սիրում ու հազար հիմարություններով փորձեց շահել իմ վստահությունը։ Դուք նոր եք այս թաղում, և ասում էր իզուր եք ձեր համար խնդիրներ ստեղծել»,- ասում է Կինծուրաշվիլին։
Ըստ իր իսկ պատմածի՝ ոստիկանապետը խոստացել է ազատ արձակել նրան ձերբակալությունից առաջ արված տեսանյութը ջնջելու դիմաց, հակառակ դեպքում սպառնացել է տեղափոխել «կապեզե» (ժամանակավոր պահման մեկուսարան)։
«Մինչ այդ ինձ վարչական կալանքի տակ չեն պահել, իմ շունն էլ էր հիվանդ, 4 օր փոխներարկումներ էի անում, և երկար տատանվելուց հետո համաձայնեցի ջնջել տեսանյութերը՝ պայմանով, որ ինձ բաց թողնեն և չտեղափոխեն «կապեզե»։ Հանեցին ձեռնաշղթաները, հեռախոս տվեցին, տեսանյութը ջնջեցին ու ձեռնաշղթաները դրեցին ու տարան «կապեզե»։
Հուլիսի 11-ին ինձ դուրս բերեցին կապեզեից և տեղափոխեցին Գուրջաանի։ Երբ վերադարձա ոստիկանություն, հնարավորություն չունեցա կապ հաստատել փաստաբանի հետ, քանի որ հեռախոսս հետս չի եղել։ Դրա համար ես նորից չստորագրեցի փաստաթուղթը, որ համաձայնել եմ, իբր խանգարել եմ ոստիկաններին իրենց աշխատանքը կատարել»,- ասում է Լուկա Կինծուրաշվիլին։
Հատուկ քննչական ծառայությունը, որը պատասխանատու է ոստիկանության աշխատակիցների կողմից կատարված հանցագործությունների հետաքննության համար, սկսել է դեպքի հետաքննությունը։ Լուկա Կինծուրաշվիլիի խոսքով, կանգառում իր անօրինական ձերբակալությանն ականատես են եղել երեք հոգի։
Սահմանադրական դատարանի դատավորի ավագ օգնական Թոռնիկե Օբոլաշվիլին նույնպես ոստիկանությանը մեղադրում է լիազորությունները չարաշահելու և ոչ պատշաճ վերաբերմունքի մեջ։ Նրա խոսքով, հուլիսի 15-ին քաղաքացիական հագուստով ոստիկանները փողոցում ապօրինի ձերբակալել են իրեն, ֆիզիկական ոտնձգություններ կատարել և խլել հեռախոսը՝ անձնական տվյալներին ծանոթանալու համար։ Նրան ոստիկանությունում պահել են ավելի քան 4 ժամ և այս ընթացքում թույլ չեն տվել զանգահարել փաստաբանին։ Օբոլաշվիլին ասում է, որ ոստիկանները մի քանի վայրկյան տեսագրություն են ջնջել իր հեռախոսից, որը նա հասցրել է նկարահանել մինչ անօրինական ձերբակալությունը։
