Հայաստանի և Վրաստանի քաղաքացիները կկարողանան սահմանը հատել նույնականացման քարտով

«Վրաստանի հետ հարաբերությունները մեր երկրի արտաքին քաղաքականության առաջնահերթություններից են»,- հունիսի 26-ին խորհրդարանում իր ելույթի ժամանակ հայտարարել է Հայաստանի արտաքին գործերի նախարարի տեղակալ Մնացական Սաֆարյանը։

Փոխնախարարի պարզաբանմամբ՝ փաստաթուղթը սահմանում է, որ Վրաստանի կամ Հայաստանի քաղաքացիները, անկախ նրանց մշտական բնակության վայրից, իրավունք ունեն առանց մուտքի արտոնագրի մուտք գործելու, գտնվելու կամ տարանցիկ երթեկելու, դուրս գալու մյուս կողմի պետության տարածքում՝ ընդունող պետության սահմանն անցնելու ամսաթվին հաջորդող ցանկացած հարյուր ութսուն օրվա ընթացքում 90 օրը չգերազանցող ժամանակահատվածով՝ Հայաստանի և Վրաստանի քաղաքացիների ինքնությունը և քաղաքացիությունը հաստատող փաստաթղթերի հիման վրա:

Երկու երկրների միջև համաձայնագիրը ստորագրվել է 2023 թվականի հունվարի 12-ին, թեև դրա ուժի մեջ մտնելու համար անհրաժեշտ էր երկու կողմերի վավերացումը։

Մինչ այժմ Հայաստանի և Վրաստանի քաղաքացիները միջպետական ​​սահմանը կարող էին առանց վիզայի հատել անցակետերում ներկայացնելով իրենց անձնագրերը։

Ներքին գործերի նախարարության վիճակագրական տվյալների համաձայն՝ 2022 թվականին Հայաստանից Վրաստան է մուտք գործել 1 018 771 մարդ։ Ըստ սահմանային անցումների (մուտքի) քանակի՝ Հայաստանը հայտնվել է երկրների առաջին եռյակում և զիջել միայն Ռուսաստանին (1 459 541) և Թուրքիային (1 030 199)։ Նախորդ տարի Հայաստանը զբոսաշրջային այցելությունների առումով նույնպես եռյակում էր։ Զբոսաշրջության ազգային գործակալության տվյալներով՝ Վրաստան է մեկնել Հայաստանի 742 593 քաղաքացի։