Բրյուսելում Վրաստանի վարչապետ Իրակլի Ղարիբաշվիլին և ՆԱՏՕ-ի գլխավոր քարտուղար Յենս Ստոլտենբերգը խոսել են ՆԱՏՕ-Վրաստան գործընկերության ամրապնդման մասին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ըստ Ստոլտենբերգի՝ Վրաստանը ՆԱՏՕ-ի ամենամոտ գործընկերներից է և կարող է հույս դնել նրա քաղաքական և գործնական աջակցության վրա։
«Ես հույս ունեմ, որ Վրաստանը կկրկնապատկի իր ջանքերը ներքին բարեփոխումներ իրականացնելու և ժողովրդավարական չափանիշները պահպանելու համար։
Հենց այդ պատճառով ես ողջունեցի օտաերկրյա ազդեցության մասին օրենքի նախագծի ետ կանչումը։ Այն անհամատեղելի էր եվրատլանտյան արժեքների և հիմնարար ազատությունների պաշտպանության հետ։ Վրաց ժողովուրդը հստակ ցույց տվեց, որ ցանկանում է ունենալ ժողովրդավարական, բարգավաճ երկիր՝ ինտեգրված Եվրատլանտյան տարածաշրջանում։
ՆԱՏՕ-ն կմնա ձեր գործընկերը այս ձգտումների շուրջ աշխատելու ժամանակ»,- ասել է Ստոլտենբերգը Իրակլի Ղարիբաշվիլիին։
Վրաստանի վարչապետը շնորհակալություն է հայտնել ՆԱՏՕ-ի դաշնակիցներին՝ Վրաստանի եվրաատլանտյան ձգտումներին, երկրի ինքնիշխանությանն ու տարածքային ամբողջականությանը աջակցելու համար։ Ղարիբաշվիլիի խոսքով՝ Վրաստանի եվրաատլանտյան ձգտումը մնում է կառավարության արտաքին քաղաքականության գլխավոր առաջնահերթությունը։
«Վերջին տասը տարիների ընթացքում մենք զգալի առաջընթաց ենք գրանցել։ Մենք ստորագրեցինք Եվրամիության հետ ասոցացման համաձայնագիրը, ազատ առևտրի համաձայնագիրը, առանց վիզայի ռեժիմը և անցյալ տարի ստացանք եվրոպական հեռանկարը, որը պատմական որոշում է։ Մենք հիմա ակտիվորեն աշխատում ենք այսպես կոչված 12 հանձնարարականները կատարելու շուրջ, որը շուտով կավարտվի։ Մենք վստահ ենք, որ Վրաստանն արժանի է թեկնածուի կարգավիճակին»,- ասել է Ղարիբաշվիլին։
Իրակլի Ղարիբաշվիլիի և Յենս Ստոլտենբերգի հանդիպումը կայացել է Բրյուսելում՝ ՆԱՏՕ-ի կենտրոնակայանում։
Այս թեմայով՝
