«Բացթողումներ չեն եղել»,- օգոստոսի 3-ին Շովիում տեղի ունեցած աղետից հետո սկսված փրկարարական գործողության մասին ասել է Արտակարգ իրավիճակների կառավարման ծառայության ղեկավար Թեմուր Մղեբրիշվիլին։ Նրա խոսքով, դեպքի մասին 112-ին հաղորդվել է ժամը 15:10-ին, որից հետո անմիջապես որոշում է կայացվել մոբիլիզացնել ավիացիան և 3 ժամ չանցած առաջին ուղղաթիռը ներգրավվել է աղետի գոտուց մարդկանց տարհանման գործում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Քութայիսիում մոբիլիզացված ուղղաթիռը արագ արձագանքման փրկարարական խմբի հետ, ցավոք, օդերևութաբանական բարդ պայմանների պատճառով չի կարողացել օդ բարձրանալ, սակայն Թբիլիսիից երկու ուղղաթիռ, որոնցում եղել են արագ արձագանքման խմբերը, վայրէջք են կատարել Շովիում և համապատասխան ծանր տեխնիկական սարքավորումներով ներգրավվել որոնման և տարհանման աշխատանքներին։ Փրկարարական աշխատանքներին մասնակցած ուղղաթիռը թռչել է աղետի գոտի՝ «Սանսեթ Շովիի» հարակից հրապարակ՝ բավականին ծանր օդերևութաբանական պայմաններում, և ավերված տարածքից անվտանգ վայր է տեղափոխվել 70 մարդ՝ երեխաներ, տարեց կանայք»,- ասել է Թեմուր Մղեբրիշվիլին այսօրվա ճեպազրույցում։
Արտակարգ իրավիճակների կառավարման ծառայության պետի խոսքով՝ աղետի առաջին գիշերը ուղղաթիռներ օգտագործելու անհրաժեշտություն չի եղել։
«Մենք օգտագործել ենք այն ուղղաթիռները, որոնք ներգրավված են փրկարարական աշխատանքներում, դրանք օգտագործում ենք այսօր և կօգտագործենք վաղը։ Մենք համաձայն ենք, որ նրանք չեն կարող թռչել գիշերը։ Եվս մեկ անգամ, ողջ պատասխանատվությամբ, ասում եմ՝ այդ գիշեր, որքան էլ որ ուղղաթիռը սարքավորված լիներ, նախ դրա կարիքը չկար, իսկ անհրաժեշտության դեպքում էլ մեծ ռիսկ կար։ Այնուամենայնիվ, եթե անհրաժեշտ լիներ, մենք, հավանաբար ռիսկի կդիմեինք և կգործեինք։
Ինչո՞ւ մենք ռիսկի չդիմեցինք և ինչո՞ւ դա անհրաժեշտ չէր. մենք ունեինք գետնին մոբիլիզացված համապատասխան ջերմային անօդաչու սարքեր, որոնք շատ հեշտությամբ արձանագրում էին ջրհեղեղի տարածքը, ինչպես նաև անտառային տարածք էր մտել կենդանի ուժ։ Շատ դժվար տեղանք կա, ժայռերի և լեռների զանգվածը շատ դժվար է և դրան զուգահեռ բարձր լարման լարեր են եղել։ Ջերմային դրոնների օգնությամբ մենք հայտնաբերեցինք այն վայրերը, որտեղ մարդիկ արգելափակված էին ապահով վայրում։ Այն ողբերգությունից հետո, որը տեղի ունեցավ, և մարդիկ զոհվեցին, դուք լավ գիտեք, որ դրանից հետո ոչ մեկի գլխից մի մազ չի պակասել։ Չի ավելացել ոչ զոհվածներ, ոչ էլ առավել ևս վիրավորներ»,- ասել է Թեմուր Մղեբրիշվիլին։
Օգոստոսի 10-ի դրությամբ աղետի գոտում հայտնաբերվել է 21 դի, 12 մարդ համարվում է անհետ կորած։ Զոհվածների և անհետ կորածների թվում կան նաև երեխաներ։ Հանգստավայրի տարածքից ընդհանուր առմամբ տարհանվել է 210 մարդ։
