Իրանի նախագահ Մասուդ Փեզեշքիանին շնորհավորել է Վրաստանի վարչապետ Իրակլի Կոբախիձեին խորհրդարանական ընտրություններում «Վրացական երազանքի» հաղթանակի կապակցությամբ։ Փեզեշքիանիի շնորհավորանքի տեքստը, որտեղ նա նշում է, որ հոկտեմբերի 26-ին կայացած ընտրություններն արտահայտում են վրաց ժողովրդի կամքը, տարածվել է Իրանի դեսպանության կողմից։
Լրահոս
Ընթերցողի ընտրանի
- 1 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 2 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 5 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Ցանկանում եմ ի սրտե շնորհավորել Ձերդ գերազանցությանը և վրաց ժողովրդին խորհրդարանական հաջող ընտրությունների և այս ընտրություններում «Վրացական երազանք» կուսակցության հաղթանակի կապակցությամբ։
Հուսանք, որ այս ընտրությունները, որոնք վրաց ժողովրդի կամարտահայտությունն են, կդառնան վրաց ժողովրդի առաջընթացի և բարօրության սկիզբը, երկու երկրների հարաբերությունների ամրապնդման և տարածաշրջանի երկրների միջև համագործակցության զարգացման գրավականը։
Տիրոջից կխնդրեմ Ձերդ գերազանցությանն առողջություն ու հաջողություններ, իսկ բարեկամ վրաց ժողովրդի հաջողություններ»,- կարդում ենք շնորհավորական նամակում։
«Վրացական երազանքին» խորհրդարանական ընտրություններում տարած հաղթանակի կապակցությամբ շնորհավորել են նաև Ադրբեջանը, Հայաստանը, Թուրքիան, Հունգարիան, Չինաստանը և Վենեսուելան։
ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեֆ Բորելի խոսքով՝ ընտրությունները «նշանավորվել են լուրջ խախտումներով», որոնք «պետք է հետաքննվեն թափանցիկ և անկախ»։
Ընտրություններից հետո Ամերիկայի Միացյալ Նահանգների նախագահ Ջո Բայդենը նույնպես հայտարարություն է տարածել՝ նշելով, որ հոկտեմբերի 26-ի խորհրդարանական ընտրությունների ժամանակ արձանագրվել են վարչական ռեսուրսի չարաշահման, ինչպես նաև ընտրողներին ահաբեկելու և պարտադրելու բազմաթիվ դեպքեր։ Բայդենի վարչակազմը Վրաստանի կառավարությանը կոչ է անում թափանցիկորեն հետաքննել բոլոր ընտրախախտումները։
Վրաստանի Կենտրոնական ընտրական հանձնաժողովի տվյալներով՝ հոկտեմբերի 26-ին կայացած խորհրդարանական ընտրություններում «Վրացական երազանքը» ստացել է ձայների 53,93 տոկոսը։ Այս արդյունքի լեգիտիմությունը չեն ճանաչում ընտրական շեմը հաղթահարած ընդդիմադիր կուսակցությունները, որոնց միջև ձայները բաշխվել են հետևյալ կերպ.
- «Կոալիցիա հանուն փոփոխությունների» - (11.037%)
- «Միասնություն-Ազգային շարժում» - (10․164%)
- «Ուժեղ Վրաստան» - (8․814%)
- «Գախարիան հանուն Վրաստանի» - (7․771%)
Նախագահ Սալոմե Զուրաբիշվիլին նույնպես կարծում է, որ ընտրությունները «ամբողջովին կեղծվել են», իսկ Վրաստանը «ռուսական հատուկ գործողության» զոհ է դարձել։
