Վրաստանի վարչապետ Իրակլի Կոբախիձեն վստահ է, որ Եվրամիության կողմից վիզայի ռեժիմի ազատականացումը դադարեցնելու քայլեր չեն ձեռնարկվի։ Հանրային հեռարձակողին տված հարցազրույցում Կոբախիձեն այս թեմայով եվրոպացի քաղաքական գործիչների հայտարարությունները որակել է որպես «ֆիկտիվ խոսակցություններ»։
Լրահոս
Ընթերցողի ընտրանի
- 1 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 ԿԸՀ-ի դիմումի հիման վրա կառավարությունը հոկտեմբերի 25-ը հայտարարել է ոչ աշխատանքային օր
- 6 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
«Վրաց ժողովրդին սպառնում են, քանի որ հասարակությունը սատարել է իշխող կուսակցությանը։ Նրանք խոսում են վրաց ժողովրդին իր դեմոկրատական ընտրության համար պատժելու մասին։ Իհարկե, սրանք բոլորը լրիվ հորինված խոսակցություններ են։ Վստահ եմ, որ այս ուղղությամբ կոնկրետ քայլեր չեն արվելու, այդ թվում՝ այն պատճառով, որ նման գործիքներն ամբողջությամբ կորցրել են իրենց ազդեցությունը։
Մեկուկես տարի թեկնածուի կարգավիճակի թեման օգտագործվում էր որպես երկրի վրա ճնշում գործադրելու, երկիրը խաթարելու գործիք։ Ի վերջո, մենք կանգ առանք, պաշտպանեցինք այս երկրի արժանապատվությունը, և փոխանակ այս հարցը երկար ժամանակ շանտաժի գործիք օգտագործվեր, մեզ թեկնածուի կարգավիճակ շնորհեցին։ Հետո անցան բանակցությունների բացման թեմային։ Այս գործիքը նույնպես մաշվել է, և, հետևաբար, հակառակը կարծում եմ, որ դա տեղի կունենա ոչ թե այս տարի, այլ հաջորդ տարի, շատ մեծ հավանականությամբ, մանավանդ որ, մեծ հավանականությամբ, Ուկրաինայում պատերազմը կավարտվի մինչև այդ և բանակցությունները կսկսվեն»,- ասել է Կոբախիձեն։
Ըստ Կոբախիձեի, իշխող կուսակցության համար գլխավորը եվրաինտեգրման ուղղությամբ առաջընթացը «արժանապատվորեն շարունակելն է»։
«Մենք հավակնոտ խնդիր ունենք, ցանկանում ենք մինչև 2030 թվականը դառնալ Եվրամիության անդամ։ Եթե վրաց ժողովրդի հետ միասին շարունակենք այս արժանապատիվ ձևով, վստահ եմ, որ այդ արդյունքը հասանելի է»,- հավելել է վարչապետը։
Նոյեմբերի 13-ին Եվրախորհրդարանում տեղի ունեցած բանավեճում Եվրահանձնաժողովի փոխնախագահ Մարգարիտիս Շինասը հայտարարել է, որ ի պատասխան Վրաստանում ժողովրդավարության անկման՝ Եվրամիությունը դադարեցրել է Վրաստանի անդամակցության գործընթացը, կրճատել է քաղաքական շփումները և կառավարության ֆինանսական օգնությունը։ Ինչպես ասել է Շինասը, այդ միջոցները ուժի մեջ կմնան այնքան ժամանակ, քանի դեռ կառավարությունը չի փոխել իր գործելաոճը։
Երկու օր առաջ ԵՄ արտաքին հարաբերությունների և անվտանգության քաղաքականության բարձր ներկայացուցիչ Ջոզեֆ Բորելը հայտարարել էր, որ Վրաստանի կառավարությունը պետք է մեծ փոփոխություններ կատարի, թեկուզ այն բանի համար, որ երկիրը չկորցնի թեկնածուի կարգավիճակը։ Հոկտեմբերի 30-ին Եվրահանձնաժողովի հրապարակած ընդլայնման զեկույցում նշվում է, որ Հանձնաժողովը խորհուրդ չի տա սկսել Վրաստանի հետ անդամակցության բանակցությունները, քանի դեռ երկիրը չի փոխել իր կուրսը։
Արդեն ամիսներ շարունակ Եվրախորհրդարանը Եվրահանձնաժողովին կոչ է անում գնահատել, թե որքանով է երկիրը համապատասխանում վիզաների ազատականացման չափանիշներին։ Այս կոչով ևս մեկ բանաձևի ընդունում է սպասվում մինչև ամսվա վերջ։
