Հոկտեմբերի 4-ին Մոսկվայում ՌԴ ԱԳ նախարար Սերգեյ Լավրովը առանձին և ընդհանուր հանդիպում կանցկացնի օկուպացված Աբխազիայի և Ցխինվալիի շրջանի դե ֆակտո արտգործնախարարներ Սերգեյ Շամբայի և Ախսար Ջիոևի հետ։ Այս մասին հայտնել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«2024 թվականի օգոստոսին այս պաշտոնում նշանակվելուց հետո Սերգեյ Շամբայի համար սա կլինի Աբխազիայի Հանրապետության արտաքին գործերի նախարարի պաշտոնում առաջին աշխատանքային այցը Ռուսաստան»,- ճեպազրույցում ասել է Զախարովան։
Ռուս դիվանագետի խոսքով՝ նախարարները կքննարկեն ռուս-աբխազական և ռուս-հարավօսական հարաբերությունների և արտաքին քաղաքականության օրակարգի արդիական հարցերի լայն շրջանակ, ինչպես նաև փոխադարձ հետաքրքրություն ներկայացնող հարցեր և խնդիրներ:
«Եռակողմ բանակցություններում ուշադրությունը կենտրոնացվելու է միջազգային հարաբերությունների ժամանակակից համակարգի վերափոխման, ինչպես նաև տարածաշրջանային անվտանգության խնդիրների վրա, որի ժամանակ շեշտը դրվելու է Ժնևյան քննարկումների շրջանակում մոտեցումների համակարգման վրա»,- ասել է Զախարովան։
Օրեր առաջ Ռուսաստանի արտաքին գործերի նախարար Սերգեյ Լավրովը ՄԱԿ-ում կայացած մամուլի ասուլիսում անդրադարձել էր Վրաստանի օկուպացված տարածքներին՝ Աբխազիային և Ցխինվալիի տարածաշրջանին (դե ֆակտո Հարավային Օսիայի Հանրապետություն) համարելով երկրներ և ասել, որ եթե կողմերը շահագրգռված լինեն, Ռուսաստանը պատրաստ է օգնել Վրաստանին հաշտվելու նրանց հետ։ Վրաստանի իշխանությունը դրական է գնահատել Լավրովի հայտարարությունը։
