Մառնեուլիի 69-րդ ընտրատեղամասի արդյունքները անվավեր են ճանաչվել այն բանից հետո, երբ «Վրացական երազանքի» անդամն ապօրինի քվեաթերթիկներ է լցրել քվեատուփի մեջ։ «Միասնություն-Ազգային շարժումը» հայտարարում է, որ ընդդիմությունը հաղթել է ընտրություններում նշված տեղամասում, որտեղ միասնական ցուցակում եղել է 1643 ընտրող։
Լրահոս
Ընթերցողի ընտրանի
- 1 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 2 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 3 Հանրակրթական դպրոցներում առաջին դասարանցիների գրանցումը կսկսվի մարտի 10-ից
- 4 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
- 5 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
- 6 Սահմանի հատման գործով Սաակաշվիլիի պատիժները համախմբվել են և նա դատապարտվել է 12 տարի 6 ամիս ազատազրկման
«Այս տեղամասը չեղարկվել է, քանի որ այնտեղ հաղթել է ընդդիմությունը, ավելի կոնկրետ՝ «Միասնություն-Ազգային շարժումը»։ Նրանք սա շատ լավ գիտեին։ Այս պատճառով էլ սակրեբուլոյի նախագահի տեղակալը, որը դեռ կալանավորված չէ, ցուցադրաբար կատարել է քրեական հանցագործություն։
Մառնեուլին բացառություն չէ: Մենք տեսնում ենք այս միտումը ողջ երկրում: Այնտեղ, որտեղ հաղթում է ընդդիմությունը, «Վրացական երազանքի» ներկայացուցիչները գնում են ֆիզիկական առճակատման, որպեսզի չեղարկեն տեղամասերը»,- ասել է Թինա Բոկուչավան։
«Իմ ձայնի» դիտորդը տեսանկարահանել է Մառնեուլիի 69-րդ ընտրական տեղամասում ապօրինի գործողությունը, որից հետո, ըստ դիտորդական առաքելության, դիտորդը ենթարկվել է ֆիզիկական բռնության և հեռացվել տեղամասից։ Տղամարդկանցից մեկը, ով, ըստ շրջանառվող տեսանյութի, քվեաթերթիկները լցնում է քվեատուփի մեջ, սակրեբուլոյի փոխնախագահ, «Վրացական երազանքի» անդամ Ռովշան Իսկանդարովն է։ Նա 69-րդ տեղամասում էր՝ որպես կուսակցության ներկայացուցիչ։
Ներքին գործերի նախարարությունը դեպքի առթիվ հետաքննություն է սկսել Քրեական օրենսգրքի 1643 հոդվածով, որը վերաբերում է ընտրակեղծիքներին։ Հանցագործությունը պատժվում է ազատազրկմամբ՝ առավելագույնը երկու տարի ժամկետով։
Իշխող կուսակցության գործադիր քարտուղար Մամուկա Մդինարաձեն քվեաթերթիկների լցոնումը «ներկայացում» և «սադրանք» է անվանել։
