«Կրկին խոսակցություններ են ընթանում ՆԱՏՕ-ին Վրաստանի հնարավոր անդամակցության մասին։ Այս երկրում սկսվել են ռուսաֆոբիայի պայթյուններ։ Մեզ պետք չէ կրկնել 2008 թվականի պատմությունը։ Մենք պատրաստ ենք նստել բանակցությունների սեղանի շուրջ՝ ՄԱԿ-ի կանոնադրության ոգով, խնդիրները լուծելու համար։ Բայց եթե մեր մտահոգությունները իրական ձև ստանան, մենք չենք հապաղի»,- գրել է Ռուսաստանի նախկին նախագահ, Անվտանգության խորհրդի քարտուղարի տեղակալ Դմիտրի Մեդվեդևը «Արգումենտի Ի Ֆակտի»-ում հրապարակված հոդվածում։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
Նրա հայտարարության համաձայն՝ Աբխազիան և Հարավային Օսիան Ռուսաստանին միացնելու գաղափարը դեռևս հանրահայտ է, և դա միանգամայն հնարավոր է իրականացնել, եթե դրա համար լինեն հիմնավոր պատճառներ։
2008 թվականի օգոստոսի 26-ին ՌԴ նախագահ Մեդվեդևը հրամանագրեր է ստորագրել Ռուսաստանի կողմից օկուպացված Աբխազիայի և «Հարավային Օսիայի» այսպես կոչված անկախության ճանաչման մասին։
«Վրաստանի բնակչության մեծամասնության համար շատ ավելի հարմար է մեր պետության հետ խաղաղ ապրելը։ Ռուսաստանը մոտ է, Ամերիկան՝ հեռու։ Վրաստանի՝ ամենահարուստ մշակույթ ունեցող երկրի համար, որը հազարավոր թելերով կապված է Ռուսաստանի հետ, ռուսաֆոբիան հիմարություն է, այլանդակություն, ծանր հիվանդություն։ Բարեբախտաբար, այն լիովին բուժելի է»,- ասում է Մեդվեդևը։
Հոդվածում նա գրում է նաև Ուկրաինայում շարունակվող պատերազմի մասին և պնդում, որ Ուկրաինայում պատերազմը, ինչպես ժամանակին ավարտվեց «վրացի ագրեսորների», այնպես էլ հիմա՝ կավարտվի Կիևի պարտությամբ։
«Արդեն պարզ է, թե ինչպես կավարտվի պատերազմը, որը ՆԱՏՕ-ն մեզ հետ մղում է Ուկրաինայի Կիևի ռեժիմի ձեռքով։ Սա կլինի Կիևի լայնածավալ ձախողումը, ինչպես դա եղավ վրացի ագրեսորների դեպքում։ Հետագայում միանգամայն հնարավոր է, որ այն վերանա աշխարհի քաղաքական քարտեզից, մի պետություն, որը ստեղծվել է արհեստականորեն՝ Խորհրդային Միության փլուզման արդյունքում, և իհարկե, քաղաքական դաշտից ամոթալի կերպով դուրս կգան կոկորդիլոսի արցունքներ թափող արյունոտ ծաղրածուները»,- ասում է Մեդվեդևը։
