Ավելի քան 150 հասարակական և լրատվական կազմակերպություններ դադարեցնում են համագործակցությունը կառավարության հետ, քանի դեռ «Վրացական երազանքը» ետ չի կանչել ռուսական օրենքը։ Միաժամանակ կազմակերպությունները հայտարարում են, որ երբեք և ոչ մի կերպ չեն գրանցվելու պատիվը ոտնահարող ռեգիստրում և կոչ են անում քաղաքացիներին ապրիլի 28-ին, կիրակի օրը, ժամը 19:00-ին, Հանրապետության հրապարակում հավաքվել ընդդեմ ռուսական օրենքի։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Խոսքը դրժելով և ռուսական օրենքը վերաներկայացնելով՝ կասկածից վեր է, որ իշխանությունը դուրս է գալիս սահմանադրական շրջանակներից և փոխում է երկրի արտաքին կուրսը։ Սա դավաճանություն է վրաց ժողովրդի անսասան կամքին։ Չկա սոցիալական շերտ, մասնագիտական կամ հասարակական խումբ, որն անցած օրերին կառավարությանը չխնդրեր հետ կանչել ռուսական օրենքը։ Գիտնականներ, ուսանողներ, բժիշկներ, մշակույթի և սպորտի ներկայացուցիչներ, գինեգործներ, ձեռնարկատերեր, ֆերմերներ և այլ խմբեր այսօր միասին կանգնած են պատմության ճիշտ կողմում:
Ինչպես նաև, ըստ բոլոր միջազգային գործընկերների՝ Եվրոպական միություն, ՆԱՏՕ, ՄԱԿ, Եվրախորհուրդ և բարեկամ երկրներ, ռուսական օրենքը մեզ հեռացնում է Եվրամիությունից։ Ռուսական օրենքի վերաներկայացումն ու ընդունումը հակասահմանադրական քայլ է, որը վերաբերում է բոլոր քաղաքացիներին, սպանում է վրացական ժողովրդավարությունը և մեզ դեմ առ դեմ թողնում Ռուսաստանի հետ։
Ուստի մենք հրաժարվում ենք՝ ա) մասնակցել կառավարության ներկայացուցիչների հետ հանդիպումներին, բ) աշխատանքային խմբերում և խորհրդատվական խորհուրդներում աշխատանքից, գ) միջազգային կամ այլ աշխատանքային ձևաչափերով իշխանությունների հետ համակարգելուց:
Մենք աշխատում ենք միայն մարդկանց համար։ Մենք ծառայում ենք միայն ժողովրդին և շարունակելու ենք աշխատել երեխաների, կանանց, աշխատողների, հաշմանդամների և այլ խոցելի խմբերի իրավունքների պաշտպանության ուղղությամբ։
Այդ մարդկանց 80%-ը, հատկապես պետական ծառայողները, աջակցում և աշխատում են, որպեսզի Վրաստանը դառնա Եվրամիության լիիրավ անդամ։ «Վրացական երազանքը» ստիպում է այդ մարդկանց, իրենց կամքին հակառակ, մասնակցել ապրիլի 29-ին նախատեսված կառավարության ռուսական երթին։ Իշխանության ռուսական երթով իշխանությունը փորձում է մեզ հետ տանել անցյալ, մինչդեռ մեր ապագան Եվրոպայում է։ Իշխանությունները հակադրվում են իրենց երեխաներին, ապագա սերունդներին, պետական ծառայողներին և այս երկրի եվրոպական ապագայի կողմնակիցների ճնշող մեծամասնությանը։
Մեր և վրաց ժողովրդի պատասխանն է՝ մենք երբեք չենք ապրելու Պուտինի կանոններով։ Ռուսական օրենքը երբեք չի լինի վրաց ժողովրդի ընտրությունը։ Այո՛ Եվրոպային։ Ո՛չ ռուսական օրենքին»։
