«Վրացական երազանքի» պատգամավոր Նինո Ծիլոսանին Վրաստանում վրաց-ռուսական համալսարանի հնարավոր բացման մասին լրագրողներին ասել է, որ այս թեմայով խոսելը ծառայում է խուճապ սերմանելուն ու հասարակության մեջ աժիոտաժ առաջացնելուն։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Ռուսամետ քաղաքական գործիչ Դիմիտրի Լորթքիփանիձեն տեղեկություն է տարածել, որ ռուսական ֆինանսավորմամբ Վրաստանում նախատեսվում է վրաց-ռուսական բարձրագույն ուսումնական հաստատություն բացել։ Ավելի վաղ Լորթքիփանիձեն խոսել էր Ռուսաստանի կողմից դեպի Վրաստան ուղիղ չվերթների վերականգնման և Վրաստանի քաղաքացիների համար վիզային ռեժիմի չեղարկման մասին։
«Ո՞վ է և ո՞ւմ է ներկայացնում Դիմիտրի Լորթքիփանիձեն, որ այդքան մեծ հետաքրքրությամբ արձագանքեք նրա որոշ կարծիքներին կամ գաղափարներին»,- լրագրողներին ասել է Ծիլոսանին։ «Եթե շահագրգռված եք կրթական, այսպես ասած, ինստիտուտների ստեղծմամբ, ստեղծվել են եվրոպական ու ամերիկյան մի շարք հաստատություններ ու բուհեր, և չեմ հիշում, որ նշված թեմայով որևէ հարց տված լինեք։ Իսկապես վատ չէր լինի։ Սա հենց այն է, ինչը կնպաստի արևմտյան կրթության հանրահռչակմանը»:
Լրագրողի ճշտող հարցին՝ իշխանությունը դեմ կլինի՞ նման համալսարանի ստեղծմանը, թե՞ ոչ, պատգամավոր Ծիլոսանին ասել է, որ չի հասկանում, թե ինչու պետք է քննարկի «ինչ-որ մեկի կարծիքը»։
«Եթե նշվածը ինչ-որ կերպ փաստի վերածվի, իհարկե, պատրաստ եմ մեկնաբանություն անել։ Հիմա, այս փուլում, կարծում եմ, որ լիովին անլուրջ է մեկնաբանել Դիմիտրի Լորթքիփանիձեի կարծիքները»,- ասել է Նինո Ծիլոսանին։
Նա ուղղակիորեն և միանշանակ չի պատասխանել այն հարցին, թե որքանո՞վ է ընդունելի երկրում ռուսական համալսարանի հիմնումը.
«Ընդհանուր առմամբ, Վրաստանում կարգավորված է օրենսդրական դաշտը, որը շատ լավ կարգավորում է համալսարանի ստեղծումը, դրա հավատարմագրումը, ցանկացած այլ իրավաբանական անձի ստեղծումը։ Այդ թվում բոլոր այս օրենսդրությունները մշակվել են եվրոպական ստանդարտին համապատասխան՝ լինի դա բիզնես ռեգիստրը, թե որևէ այլ օրենսդրություն, որը լիովին համատեղելի և ներդաշնակ է եվրոպական օրենսդրությանը: Ուստի, կարծում եմ, ճիշտ չի լինի որոշ հարցադրումներով խորանալ ինչ-որ տեսական հարցի մեջ։ Մնացածը, եթե խնդիր ունեք օրենքի ցանկացած հոդվածի հետ, որը թույլ է տալիս ինչ-որ մեկին հիմնել բուհեր կամ սխալ արժեքների կրթօջախներ, մենք պատրաստ ենք դա քննարկել օրենսդիր մարմնում։ Կան օրենքներ, ենթաօրենսդրական ակտեր, հավատարմագրում ստանալու կանոններ։ Պետությունը գործում է հստակ սահմանված շրջանակով և չի կարող գործել էմոցիաներով։ Որոշ մարդիկ կարող են մեկնաբանել զգացմունքները: Ես խորհրդարանի անդամ եմ։ Ես կփորձեմ պաշտպանել այն քաղաքականությունը, որը մեր կառավարության շրջանակներում է և հիմնված է եվրոպական արժեքների և դրա իրավական դաշտի վրա»,- ասել է Նինո Ծիլոսանին։
Վրաստանի կրթության և գիտության նախարարությունը վրաց-ռուսական համալսարանի հնարավոր բացման մասին տարածված տեղեկությունը ապատեղեկատվություն է որակել։ Դրան հակառակ, Դիմիտրի Լորթքիփանիձեն ասում է, որ համալսարանի համար հարմար վայրի որոնումները շարունակվում են, և այս հարցի վերաբերյալ ավելի շատ մանրամասներ հայտնի կդառնան սեպտեմբերի վերջին։