Վրաստանի նախագահը հրամանագիր է ստորագրել հուլիսի 18-ին խորհրդարանի արտահերթ նիստ հրավիրելու մասին։ Սալոմե Զուրաբիշվիլին կոչ է արել «Վրացական երազանքին» քննարկել և կողմ քվեարկել իր կողմից խորհրդարանին ներկայացված Ազգային բանկի խորհրդի անդամի թեկնածությանը, «որպեսզի Ազգային բանկի խորհրդի ձևավորման գործընթացն այլևս չհետաձգվի և չձգձգվի»։
Լրահոս
Ընթերցողի ընտրանի
- 1 ՆԳՆ Սպասարկման գործակալությունը սկսել է մեկ տարի ժամկետով միջազգային վարորդական վկայականներ տրամադրել
- 2 ՄԱԿ-ում Ռուսաստանի ներկայացուցիչը կրկնել է Օգոստոսյան պատերազմի վերաբերյալ «Վրացական երազանքի» հայտարարությունը
- 3 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 4 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 5 Ուկրաինացիները Կուրսկում վերահսկում են 28 բնակավայր, 2 հազար մարդու ճակատագրից տեղյակ չենք․ Սմիրնով
- 6 Կոբախիձեն 22 ընտրատարածքներում ներկայացրել է «Վրացական երազանքի» պատվիրակներին
Նախագահը մայիսի 24-ին խորհրդարանին է ներկայացրել Էկատերինե Ղազաձեի թեկնածությունը։ Մինչ այդ հատուկ ստեղծված հանձնաժողովը 5 թեկնածուի է առաջարկել, որոնց Սալոմե Զուրաբիշվիլին առանձին է հանդիպել ու զրուցել։
«Վրաստանի նախագահն իր լիազորությունների շրջանակում սահուն և թափանցիկ անցկացրեց ՎԱԲ-ի խորհրդի անդամության թեկնածուների ընտրության գործընթացը և 2024 թվականի մայիսի 24-ին Վրաստանի խորհրդարանին ներկայացրեց անկախ հանձնաժողովի կողմից ընտրված բարձր որակավորում ունեցող թեկնածուին, թեև մինչ այժմ ներկայացված թեկնածության քննարկումը խորհրդարանում ոչ մի մակարդակով չի սկսվել»,- այսօր հայտարարել են նախագահի աշխատակազմից։
Վրաստանի Ազգային բանկի խորհրդում 4 անդամների պաշտոնները թափուր են։ Ինչպես հայտարարել է խորհրդարանի նախագահ Շալվա Պապուաշվիլին, հարցը կքննարկվի, եթե նախագահը խորհրդարանին ներկայացնի բոլոր թեկնածուներին։
«Ներկայացրեք բոլոր թեկնածությունները, և մենք կդիտարկենք դրանք։ Մի քիչ զարմանալի է, երբ կա 4 թափուր աշխատատեղ, ընտրվել է 5 պոտենցիալ թեկնածու և ինչ-ինչ պատճառներով ներկայացվում է միայն մեկը»,- ասել է Պապուաշվիլին։
Խորհրդարանի արտահերթ նիստը տեղի կունենա հուլիսի 18-19-ը։ Հինգշաբթի օրը՝ հուլիսի 18-ին, իրավական հարցերի հանձնաժողովը կլսի գլխավոր դատախազի թեկնածու Գիորգի Գաբիտաշվիլիին։ Նույն օրը լիագումար նիստում քվեարկության կդրվի Գիորգի Գաբիտաշվիլիի թեկնածությունը, իսկ ուրբաթ՝ հուլիսի 19-ին, լիագումար նիստում նախատեսվում է «Համաներման մասին» օրենքի նախագծի առաջին ընթերցմամբ ընդունումը։
Հուլիսի 15-ին Շալվա Պապուաշվիլին դիմել է Վրաստանի նախագահին՝ արտահերթ նիստ նշանակելու խնդրանքով։
![Վրաստանի լուրեր](/images/a2.png#joomlaImage://local-images/a2.png?width=80&height=80)