Փրկարարները Բաղդաթիի շրջանի Ներգեեթի գյուղում, որտեղ փետրվարի 7-ի գիշերը սողանքը ավերել է 4 բնակելի տուն, հայտնաբերել են բոլոր 9 զոհվածների դիակները։
Լրահոս
Ընթերցողի ընտրանի
- 1 ՆԱՏՕ-ի և Եվրամիության տեղեկատվական կենտրոնը լուծարվում է
- 2 Որևէ ոստիկան պատասխանատվության ենթարկվե՞լ է, նման դեպք չկա․ Իոսելիանի
- 3 Ընտրությունները նախ պետք է լինեն խորհրդարանական, ապա՝ տեղական, կամ համատեղ․ Զուրաբիշվիլի
- 4 Սալոմե Զուրաբիշվիլին ճանապարհը փակելու համար տուգանվել է 5000 լարիով
- 5 Արդյո՞ք մեր շահերից է բխում աշխարհի այս հատվածում հակաամերիկյան կառավարության լինելը. Ռուբիոն` Վրաստանի մասին
- 6 «Վրացական երազանքը» թույլ է տալիս Ռուսաստանին մեծացնել ազդեցությունը երկրում. ԱՄՆ հետախուզություն
«Ինչ վերաբերում է նախնական տվյալներին, ապա, ինչպես հայտնի է, գիշերը տեղի է ունեցել ժայռի տիպի սողանք, որի արդյունքում ժայռից մոտ 150 հազար խմ զանգված է ընկել։ Ավերել և վնասել բնակելի տներ։ Սողանքն ակնթարթորեն է զարգացել։ Գործնականում անհնար էր խուսափել այս իրադարձությունից»,- ասել է Շրջակա միջավայրի ազգային գործակալության ղեկավար Վասիլ Գեդևանիշվիլին։
Ըստ նրա՝ ընտանիքների կողմից կոնկրետ հայտարարություն կամ հաղորդագրություն չի եղել, եղել է միայն մեկ հայտարարություն, որը վերաբերում է քարաթափմանը, այս մասով եզրակացություն է արվել, տրվել է հանձնարարական, որը հարակից տարածքում է և կապ չունի այս լանջի հետ։
Գործակալության նախնական եզրակացության համաձայն՝ սողանքային գործընթացի մեկնարկն ու ակտիվացումը հիմնականում կապված է փետրվարի 5-7-ը տեղացած առատ մթնոլորտային տեղումների հետ։
Սողանքն ամբողջությամբ ավերել է 4 բնակելի տուն և փակել Խանիսծղալի գետի աջ ափով անցնող կենտրոնական մայրուղին։ Զոհվել է 9 մարդ։
Փետրվարի 6-ին ձյան առատ տեղումների հետևանքով Խուլոյի մունիցիպալիտետում ձնահյուս է տեղի ունեցել, իսկ Քեդայի մունիցիպալիտետում սողանքային գործընթացներ են զարգացել։ Երկու մարդ զոհվել։ Նույն օրը Խարագաուլիի մունիցիպալիտետի Մոլիթի գյուղում սողանք է տեղի ունեցել, որի հետևանքով դադարեցվել է երկաթուղային երթևեկությունը։
Բաղդաթիի և Քեդայի գյուղերում, որտեղ սողանքը մարդկանց կյանք է խլել, վտանգը կանխատեսված էր։
Բաղդաթիի Ներգեեթի գյուղը 2022 թվականին ընդգրկվել է Շրջակա միջավայրի ազգային գործակալության բնական երկրաբանական գործընթացներով հատկապես վտանգավոր տարածքների ցանկում։ Նույն փաստաթղթի համաձայն՝ բարձր վտանգի գոտում է գտնվում նաև Քեդայի Ծոնիարիս գյուղը։
