მაშველებმა ბაღდათის სოფელ ნერგეეთში, სადაც 7 თებერვლის ღამეს მეწყერი ჩამოწვა და 4 საცხოვრებელი სახლი მოიყოლა, ცხრავე ცხედარი იპოვეს.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
„რაც შეეხება პირველად მონაცემებს, როგორც ცნობილია, ღამით განვითარდა კლდეზვავური ტიპის მეწყერი, რომლის შედეგადაც, დაახლოებით, 150 000 კუბური მეტრის მასა ჩამოიშალა კლდიდან. დაანგრია და დააზიანა საცხოვრებელი სახლები. მეწყერი განვითარდა მყისიერად. პრაქტიკულად, შეუძლებელი იყო ამ მოვლენის თავიდან აცილება“, - განაცხადა გარემოს ეროვნული სააგენტოს ხელმძღვანელმა ვასილ გედევანიშვილმა.
მისივე თქმით, კონკრეტულად რაიმე განცხადება, შეტყობინება ოჯახებიდან არ ყოფილა შესული, არსებობდა მხოლოდ ერთადერთი განცხადება, რომელიც ქვათაცვენას უკავშირდებოდა, ამასთან დაკავშირებით გაკეთდა დასკვნა, გაიცა რეკომენდაცია, რომელიც არის მიმდებარე და არ უკავშირდება ამ ფერდს.
სააგენტოს პირველადი დასკვნით, მეწყრული პროცესის ჩასახვა-გააქტიურება ძირითადად დაკავშირებულია 5-6-7 თებერვალს მოსულ უხვ ატმოსფერულ ნალექებთან.
მეწყერმა სრულად დაანგრია 4 საცხოვრებელი სახლი და ჩაკეტა მდინარე ხანისწყლის მარჯვენა ფერდობზე გამავალი ცენტრალური საავტომობილო გზა. დაიღუპა 9 ადამიანი.
6 თებერვალს, დიდთოვლობის შედეგად, ხულოს მუნიციპალიტეტში ჩამოწვა ზვავი, ქედის მუნიციპალიტეტში კი მეწყრული პროცესები განვითარდა. დაღუპულია ორი ადამიანი. იმავე დღეს მეწყერი ჩამოწვა ხარაგაულის მუნიციპალიტეტის სოფელ მოლითში და შეწყდა სარკინიგზო მიმოსვლა.
ბაღდათის და ქედის სოფლებში, სადაც მეწყერმა ადამიანები მოკლა, საფრთხე პროგნოზირებული იყო.
ბაღდათის სოფელი ნერგეეთი გარემოს ეროვნულ სააგენტოს სტიქიური გეოლოგიური პროცესებით განსაკუთრებით დაძაბული უბნების სიაში აქვს შეტანილი კერ კიდევ 2022 წელს. ამავე დოკუმენტის თანახმად, ქედის სოფელი წონიარისიც მაღალი საშიშროების რისკის ზონაშია მოქცეული.
