Սննդամթերքի ազգային գործակալությունը դադարեցրել է «Նիկորա» խանութների ցանցի պատրաստի ուտեստների արտադրական գործընթացը։ Ստուգումն իրականացվել է այն բանից հետո, երբ 8 հոգի թունավորվել են «Նիկորա» խանութից գնված պատրաստի սննդից։ Նրանց մոտ ախտորոշվել է սալմոնելոզ։
Լրահոս
Եվրոպական խորհուրդ. Վրաստանի կառավարության գործողությունները դե ֆակտո դադարեցնում են անդամակցության գործընթացը
Հաշմանդամ ակտիվիստը, ում տվյալները ներառվել են գործակալների ռեգիստրում, դատի է տվել արդարադատության նախարարությանը
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
Գործակալության տեղեկություններով՝ համաճարակաբանական հետազոտություններով պարզվել է, որ պացիենտները որպես սնունդ են ընդունել «Նիկորա Թրեյդի» մթերային խանութներից գնված «Կիևյան կոտլետ»։
Մասնագետները ստուգել են «Նիկորա Թրեյդ» մթերային խանութները, որոնք գտնվում են Թբիլիսիի Աղմաշենեբելի նրբանցքում և Խոմլելի փողոցում։
«Գործակալության տեսուչները լաբորատոր հետազոտության համար սննդամթերքի նմուշներ են վերցրել, որոնցում հայտնաբերվել է ախտածին միկրոօրգանիզմը՝ սալմոնելա։ Արդյունքում «Նիկորա Թրեյդ» ԲԲԸ-ի պատրաստի ուտեստների արտադրությունը տուգանվել է և արտադրական գործընթացը դադարեցվել է մինչև կրիտիկական անհամապատասխանությունների վերացումը։ Համապատասխան կանոններով հանվել և ոչնչացվել է հարուցիչով վարակված 20 կգ հավի ֆիլե, 100 կգ տարբեր տեսակի սննդամթերք և 22 կգ «Կիևյան կոտլետի» ֆարշ, որտեղ օգտագործվել է վերանշյալ հավի ֆիլեն։ Սննդի ազգային գործակալությունը նաև պետական հսկողություն կիրականացնի հումք ներկրող ընկերությունում»,- նշել են գործակալությունից։
«Նիկորա Թրեյդը» հաստատել է, որ 8 մարդ է թունավորվել իրենց կողմից պատրաստված սննդից։
«Մի քանի անձանց սննդային թունավորման փաստով մեզ հետ կապ է հաստատել Սննդամթերքի ազգային գործակալությունը։ Ինչպես պարզվեց, բոլորն էլ որպես սնունդ են ընդունել «Կիևյան կոտլետ»։ Տեղեկությունը ստանալուն պես մենք անմիջապես հետևեցինք գործակալության բոլոր ցուցումներին՝ ակտիվորեն համագործակցելով նրանց հետ, պարզեցինք, թե որտեղ է եղել պատճառը և հայտնաբերեցինք «Գրակո» հավի ֆիլեն, որն օգտագործվում էր կոտլետների արտադրության մեջ։ Վերջինս մեզ մատակարարել է «Գեո Դիստրիբուցիա» ընկերությունը։ Դեպքի մասին, իհարկե, տեղյակ ենք պահել նշված ընկերությանը և անմիջապես այդ խմբաքանակը հանել սպառումից։ Պատրաստի սննդի ձեռնարկության փոքր լինելու պատճառով այս ապրանքը մատակարարվել է ընդամենը մի քանի մասնաճյուղերի, իսկ տարածման չափը շատ փոքր է»,- ասված է «Նիկորայի» տարածած հայտարարության մեջ։