Հուլիսի 8-ին Վրաստանում ԱՄՆ դեսպան Քելի Դեգնանը արձագանքել է Լիսի լճի շրջակայքում բռնի խմբերի կողմից «Փրայդի փառատոնի» խափանմանը։ Նրա խոսքով, միջոցառման նախօրեին ՆԳՆ բարձրաստիճան պաշտոնյաները վստահեցրել են, որ հանրահավաքի մասնակիցներին թույլ չեն տա ճեղքել ոստիկանների շարքերը և մնալու են անվտանգ հեռավորության վրա, սակայն դա այդպես չի եղել։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Շատ տխուր էր տեսնել, որ ատելությամբ լցված մարդիկ բռնություն են գործադրում խաղաղ, մասնավոր իրադարձությունը խանգարելու համար, հատկապես երբ նրանք պնդում են, որ գործում են Աստծո անունից: Հիմա մարդիկ կարող են շատ բաների շուրջ չհամաձայնվել, բայց ես կարծում եմ, որ մենք բոլորս կարող ենք համաձայնել, որ քրիստոնեական արժեքները հիմնականում կարեկցանքն են, սերը, հանդուրժողականությունը և հարգանքը, և որ բոլոր մարդիկ ստեղծված են Աստծո պատկերով:
Անցյալ տարվա միջոցառումներին մենք տեսանք, որ ոստիկանությունը գիտի ինչպես պաշտպանել քաղաքացիներին և վերահսկել ցուցարարներին։ Անցյալ շաբաթ օրվա միջոցառման նախօրեին ՆԳՆ բարձրաստիճան պաշտոնյաները ինձ հավաստիացրին, որ ցուցարարներին թույլ չեն տա ճեղքել ոստիկանական շղթան դրսում, և որ նրանք կմնան ապահով հեռավորության վրա համերգի մասնակիցներից: Այդպես չեղավ։ Մենք դա չտեսանք։
Փաստորեն, անկարգապահ ամբոխին թույլ տրվեց մի քանի կիլոմետր երթ անցկացնել Թբիլիսիի փողոցներով՝ կոչ անելով բռնության: Նրանց թույլատրվել է ոչ միայն խախտել ոստիկանության պատնեշը, այլև ներս մտնել և ավերել ամեն ինչ, թալանել և ոչնչացնել ունեցվածքը առանց ոստիկանության պատասխանի», - ասել է Քելի Դեգնանը:
Ամերիկայի դեսպանի խոսքով՝ Թբիլիսիի փողոցներում քաղաքացիների վրա հարձակումների շարքը կարծես թե համակարգված է։
«Ծայրահեղականները, որոնց մենք տեսանք շաբաթ օրը, նույն ծայրահեղականներն էին, ովքեր բռնություն գործադրեցին 2021 թվականին։ Նրանք իրենց ֆեյսբուքյան էջերում տեսագրված բռնության կոչ են անում՝ ասելով, որ ծնոտներ են կոտրելու և արյուն թափելու։ Նրանք քայլում են Թբիլիսիի փողոցներով և սպառնում մարդկանց բռնությամբ, հպարտությամբ ասում են, որ աջակցում են բռնությանը։
«Կարծում եմ՝ Թբիլիսիում բոլորն իրենց ավելի ապահով կզգան, երբ տեսանյութում հայտնված այս մարդիկ ձերբակալվեն և պատժվեն»,- ասել է Քելի Դեգնանը։
«Փրայդի փառատոնը» ԼԳԲՏՔ+ համայնքի կողմից կազմակերպված փակ միջոցառում է, որը պետք է անցկացվեր հուլիսի 8-ին՝ «Թբիլիսի փրայդի» շաբաթվա վերջին օրը։ Արմատական խմբավորումները կեղծ տեղեկություններ էին տարածում, թե իբր Թբիլիսիի փողոցներում նախատեսվում է այսպես կոչված գեյ-շքերթ անցկացնել և այս կերպ նրանք փորձում էին մոբիլիզացնել քաղաքացիներին, այդ թվում՝ մարզերից։ Ռուսամետ, բռնի և հոմոֆոբ կուսակցության առաջնորդ Կոնստանտին Մորգոշիան սպառնացել է, որ «հուլիսի 8-ը կլինի հուլիսի 5-ին կանգնեցված դագաղի վերջին մեխը»։
«Փրայդի փառատոնի» կազմակերպիչները կարծում են, որ միջոցառման վրա հարձակումը և դրա խափանումը համակարգվել են Ներքին գործերի նախարարության և բռնի խմբերի միջև։
«Թբիլիսի փրայդը» երեք տարի առաջ տեղի ունեցած բռնի իրադարձություններից հետո հրաժարվել է երթեր անցկացնելուց։ 2021 թվականի հուլիսի 5-ին Պատրիարքարանի, «Ալտ Ինֆոյի» և տարբեր հոմոֆոբ խմբերի կոչով ակցիա է տեղի ունեցել ընդդեմ «Արժանապատվության երթի»։ Մայրաքաղաքի կենտրոնում հանրահավաքի ժամանակ նրանք խմբերով հարձակվել են լրագրողների վրա, ծեծի ենթարկել նրանց ու ջարդել սարքավորումները։ Բռնության զոհ է դարձել 53 լրագրող, օպերատոր և լուսանկարիչ։ Նրանցից մի քանիսը լուրջ վնասվածքներ են ստացել և բժշկական օգնության կարիք են ունեցել։ Նրանց թվում էր «Պիրվելի» հեռուստաընկերության օպերատոր, 36-ամյա Ալեքսանդր Լաշքարավան, ով հոմոֆոբ խմբի կողմից ծեծի էր ենթարկվել «Սիրցխվիլիա» շարժման գրասենյակում։ Լաշքարավան հիվանդանոցից դուրս գրվելուց հետո՝ հուլիսի 11-ին մահացել է։ Իրավապահ մարմինները հուլիսի 5-ին բռնություն կազմակերպելու համար ոչ ոքի չեն ձերբակալել։
Թեմայի մասին ավելի մանրամասն՝ Ոստիկանական ուժերի կեղծ մոբիլիզացիան՝ «Փրայդի» պաշտպանության համար և սատարվող ֆաշիզմը
