«Պետական անվտանգության ծառայությունը հայտարարել է, որ սկսել են գործի քննությունը։ Սա, իհարկե, լուրջ մեղադրանք է, որը մենք լսել ենք, մյուս կողմից՝ սա Վրաստանի առաջին քաղաքացին է, ում նկատմամբ նման պատժամիջոց է կիրառվել։ Այդ իսկ պատճառով ՊԱԾ-ը աշխատում է այս հարցի վրա, ի թիվս այլոց, դիմում է ամերիկացի գործընկերներին՝ փոխանցելու այս որոշման հիմքում ընկած ապացույցները, և մենք ասել ենք, որ վրաց հասարակությունը ամբողջությամբ կտեղեկացվի այդ մասին»,- ասել է խորհրդարանի նախագահ Շալվա Պապուաշվիլին նախկին գլխավոր դատախազ Օթար Փարցխալաձեի նկատմամբ սահմանված պատժամիջոցների վերաբերյալ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 3 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 4 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 5 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 6 Միջազգային ընտրական վարչությունը պետք է նորովի անցկացնի ընտրությունները. Վաշաձե
Նրա խոսքով, վերջին 10 տարիներին Փարցխալաձեն կապ չի ունեցել քաղաքականության կամ հանրային ծառայության հետ։
Մինչ այդ իշխող «Վրացական երազանք» կուսակցության գլխավոր քարտուղար, Թբիլիսիի քաղաքապետ Կախա Կալաձեն ասել էր, որ Փարցխալաձեի դեմ պատժամիջոցների վերաբերյալ ԱՄՆ-ը պետք է լրացուցիչ տեղեկություններ հրապարակի։
«Կարծում եմ՝ մեր երկրի բնակչությունն առաջին հերթին արժանի է, որ երբ ասում են, որ Վրաստանի քաղաքացին պատժամիջոցների է ենթարկվում, և խոսում են կոնկրետ մեղադրանքի մասին, ավելի շատ տեղեկատվություն ներկայացնեն իրենց կողմից։ Երբ ասում ենք, որ ուսումնասիրությունը սկսվել է [անվտանգության ծառայության կողմից], հավանաբար համապատասխան գերատեսչությունը կխնդրի իր գործընկերներին լրացուցիչ տեղեկություններ տրամադրել այդ հարցի վերաբերյալ։
Հիշու՞մ եք, դատավորների դեպքում, երբ վիզայի սահմանափակման վերաբերյալ որոշում կայացվեց, թեև ոչ ոք բացատրության մեջ ոչինչ չէր հասկանում՝ ինչու է կայացվել այս որոշումը, ինչի հետ է այն կապված։ Կարծում եմ, որ առնվազն ռազմավարական գործընկերոջ մասին խոսելիս և նման որոշումներ կայացնելիս հասարակությունը պետք է իմանա, թե որոնք են դրա պատճառները»,- ասել է Կալաձեն։
Սեպտեմբերի 14-ին հայտնի դարձավ, որ ԱՄՆ-ը պատժամիջոցներ է կիրառել Վրաստանի նախկին գլխավոր դատախազ Օթար Փարցխալաձեի նկատմամբ։ Պետդեպարտամենտի փաստաթղթում Փարցխալաձեն նշվում է որպես վրացի-ռուս օլիգարխ, ում հետ Ռուսաստանի Անվտանգության դաշնային ծառայությունը (FSB) աշխատել է վրաց հասարակության և քաղաքականության վրա հօգուտ Ռուսաստանի ազդելու համար:
Այս տարվա ապրիլի 5-ին Միացյալ Նահանգների Պետդեպարտամենտը վրացի երեք ներկա և մեկ նախկին դատավորների՝ Միխեիլ Չինչալաձեի, Լևան Մուրուսիձեի, Իրակլի Շենգելիային և Վալերիան Ցերցվաձեի, ինչպես նաև նրանց ընտանիքի մերձավոր անդամների արգելեց մուտք գործել ԱՄՆ՝ կապված զգալի կոռուպցիոն գործունեության մեջ նրանց ներգրավվածության հետ։ Դեպարտամենտի պարզաբանմամբ՝ այդ անձինք չարաշահել են դատարանների նախագահների և Արդարադատության բարձրագույն խորհրդի անդամների իրենց պաշտոնը՝ դրանով իսկ վնասելով օրենքի գերակայությանը և հասարակության վստահությանը Վրաստանի դատական համակարգի նկատմամբ։
