Փարցխալաձեն զրկվում է Վրաստանի քաղաքացիությունից, նա ունեցվածքը մեկ ժամվա ընթացքում փոխանցել է որդուն

Մինչ այդ՝ սեպտեմբերի 19-ին, Վրաստանի նախագահ Սալոմե Զուրաբիշվիլին գրել էր, որ սպասում է արդարադատության նախարարության եզրակացությանը Օթար Փարցխալաձեին Վրաստանի քաղաքացիությունից զրկելու վերաբերյալ, որն անմիջապես կբավարարի։

Նախագահը պահանջել է հետաքննել նաև Օթար Փարցխալաձեի գործը. «Ամենամեծ փորձանքն է, երբ երկրի գլխավոր դատախազը «Էֆ Էս Բե»-ի կամ «Կա Գե Բե»-ի գործակալ է եղել։ Հանրությանը մանրամասն պատասխան պետք է տրվի՝ մանրամասն քննությամբ։ Սա պահանջ է, ոչ թե խնդրանք»։

Սեպտեմբերի 14-ին հայտնի դարձավ, որ ԱՄՆ-ը պատժամիջոցներ է կիրառել Վրաստանի նախկին գլխավոր դատախազ Օթար Փարցխալաձեի նկատմամբ։ Պետդեպարտամենտի փաստաթղթում Փարցխալաձեն նշվում է որպես վրացի-ռուս օլիգարխ, ում հետ Ռուսաստանի Անվտանգության դաշնային ծառայությունը (FSB) աշխատել է վրաց հասարակության և քաղաքականության վրա հօգուտ Ռուսաստանի ազդելու համար:

Սեպտեմբերի 20-ին Օթար Փարցխալաձեն որդուն է նվիրել իր սեփականության հանդիսացող գույքը՝ բնակարաններ, հյուրանոցային համարներ, կոմերցիոն տարածքներ։

• Գյուղատնտեսական նշանակության հող Տաբախմելայում (Ծավկիսի) - 1001քառ․մ,
• Համար Բակուրիանիի հյուրանոցային համալիրում - 25 քառ․մ,
• Համար Բակուրիանիի հյուրանոցային համալիրում - 26 քառ․մ,
• Կոմերցիոն տարածք Վակեում – 143 քառ․մ,
• Կոմերցիոն տարածք Վակեում – 336 քառ․մ,
• Կոմերցիոն տարածք Վակեում - 101քառ․մ,
• Կոմերցիոն տարածք Վակեում – 204 քառ․մ,
• Բնակարան Սաբուրթալոյում – 78 քառ․մ,
• Բնակարան Սաբուրթալոյում – 91 քառ․մ,
• Բնակարան Սաբուրթալոյում – 38 քառ․մ,

Հանրային ռեգիստրի ազգային գործակալությունը Փարցխալաձեի 12 տարբեր դիմումների վարույթը սկսել և ավարտել է մեկ ժամում։

Արդարադատության նախարարությունը հայտարարություն է տարածել Փարցխալաձեին Վրաստանի քաղաքացիությունը դադարեցնելու նպատակահարմարության վերաբերյալ միայն այն բանից հետո, երբ նախկին գլխավոր դատախազն ավարտել ունեցվածքը որդուն փոխանցելու գործընթացը։