Ədliyyə Nazirliyindən verilən məlumata görə, Dövlət Xidmətlərinin İnkişafı Agentliyi Otar Partsxaladzinin Gürcüstan vətəndaşlığına xitam verilməsini məqsədəuyğun hesab edib. Müvafiq rəy Gürcüstan prezidentinə göndərilib.
Əsas xəbərlər
Bundan əvvəl, sentyabrın 19-da Gürcüstan prezidenti Salome Zurabişvili yazıb ki, Otar Partsxaladzinin Gürcüstan vətəndaşlığına xitam verilməsi ilə bağlı Ədliyyə Nazirliyindən rəy gözləyir və o, dərhal buna əməl edəcək.
Prezident həmçinin Otar Partsxaladzenin işinin araşdırılmasını tələb edib: “Ölkədə baş prokurorun “FSB” və ya “KQB”nin agenti olması ən böyük bədbəxtlikdir. İctimaiyyətə ətraflı araşdırma ilə, ətraflı cavab verilsin. Bu bir xahiş yox, tələbdir”.
Sentyabrın 14-də məlum olub ki, ABŞ Gürcüstanın keçmiş baş prokuroru Otar-Partsxaladzeyə qarşı sanksiyalar tətbiq edib. Dövlət Departamentinin sənədində Fartsxaladzenin adı Rusiyanın Federal Təhlükəsizlik Xidmətinin [FSB] Gürcüstan cəmiyyətinə və siyasətinə Rusiyanın xeyrinə təsir etmək üçün işlədiyi gürcü-rus oliqarxı kimi göstərilir.
Sentyabrın 20-də Otar Partsxaladze Gürcüstanda mülkiyyətində olan əmlakı - mənzilləri, otel otaqlarını, ticarət sahələrini oğlunun adına keçirib.
- Tabaxmelada (Tsavkisi) kənd təsərrüfatı sahəsi - 1001 kv.m;
- Bakurianidə mehmanxana kompleksində otaq - 25 kvadratmetr;
- Bakurianidə mehmanxana kompleksində otaq - 26 kvadratmetr;
- Vakedə ticarət sahəsi - 143 kvadratmetr;
- Vakedə ticarət sahəsi - 336 kvadratmetr;
- Vakedə ticarət sahəsi - 101 kvadratmetr;
- Vakedə ticarət sahəsi - 204 kvadratmetr;
- Saburtaloda mənzil - 78 kvadratmetr;
- Saburtaloda mənzil - 91 kvadratmetr;
- Saburtaloda mənzil - 38 kvadratmetr.
Milli Dövlət Reyestri Agentliyi Partsxaladzenin 12 müxtəlif ərizəsi üzrə icraata bir saat ərzində başlayıb və yekunlaşdırıb.
Ədliyyə Nazirliyi Partsxaladzinin Gürcüstan vətəndaşlığına xitam verilməsinin məqsədəuyğunluğu ilə bağlı bəyanatı yalnız keçmiş baş prokurorun əmlakının oğlunun adına keçirməsini başa çatdırdıqdan sonra dərc edib.
