Հայաստանի վարչապետ Նիկոլ Փաշինյանը հայտարարել է, որ պաշտպանական ոլորտում Հայաստանն այլևս չի կարողանա Ռուսաստանի հետ ունենալ այնպիսի հարաբերություններ, ինչպիսին նախկինում էր։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Նախկինում մեր պաշտպանական ոլորտի հարաբերությունների 95-97 տոկոսը Ռուսաստանի Դաշնության հետ էր, հիմա այդպես չի կարող լինել՝ և օբյեկտիվ, և սուբյեկտիվ պատճառներով»,- փետրվարի 1-ին Հանրային ռադիոյին տված հարցազրույցում ասել է Փաշինյանը։
Ըստ Նիկոլ Փաշինյանի՝ անհրաժեշտ է, որպեսզի Հայաստանը փոխի զինված ուժերի զարգացման հայեցակարգը. «2022 թվականի հունվարին [զինված ուժերի բարեփոխման] հայեցակարգը պատրաստ էր, բայց 2022 թվականի ձմռան իրադարձությունները ցույց տվեցին, որ մենք չենք կարող առաջ գնալ այս հայեցակարգով։ Պետք է ոչ միայն հայեցակարգ ունենալ, այլև հասկանալ, թե որքանով է իրատեսական դրա իրականացումը, այդ թվում՝ ռազմատեխնիկական ոլորտում համագործակցության մասով... Նոր փաստաթուղթը նախատեսվում է ընդունել մինչև տարեվերջ։ Այնուամենայնիվ, այն պետք է վերանայի հարաբերությունները երկրների հետ և արտացոլի այն ըմբռնումը, թե ում հետ և ինչպես պետք է երկիրը համագործակցի պաշտպանության ոլորտում»։
Հայաստանի վարչապետը նշել է, որ պետք է հասկանալ, թե ում հետ պիտի երկիրը զարգացնի ռազմական և ռազմատեխնիկական համագործակցությունը, ինչ հարաբերություններ է հաստատում Հայաստանը Հնդկաստանի, Իրանի, Վրաստանի, ԱՄՆ-ի, Ֆրանսիայի և Ռուսաստանի հետ։
«Պետք է պարզել՝ երկիրը մնո՞ւմ է, թե՞ ոչ Հավաքական անվտանգության պայմանագրի կազմակերպությունում (ՀԱՊԿ) և այլն»,- ասել է Փաշինյանը։
Նույն հարցազրույցում Փաշինյանը հայտարարել է, որ ՀԱՊԿ-ն ամենաորոշիչ պահին Հայաստանին մենակ է թողել իր խնդիրների հետ.
«Երկար ժամանակ մեր անվտանգության հայեցակարգը հետևյալն էր՝ Հայաստանը ՀԱՊԿ անդամ է, Լեռնային Ղարաբաղի խնդիրը միջազգայնորեն ճանաչված հակամարտություն է, ուստի Հայաստանի համար անվտանգության խնդիր չկա, մենք պետք է կենտրոնանանք ԼՂ խնդրի լուծման վրա։ Պարզվեց, ՀԱՊԿ-ը ոչ միայն չի պատրաստվում Հայաստանի անվտանգության ապահովման առումով պատասխանատվություն ստանձնել, այլև վճռական պահին ՀԱՊԿ-ն ասում է․ «դուք տեսեք, ձեր խնդիրները լուծեք»: Մենք պետք է կարողանանք ապրել այս միջավայրում և հնարավորինս ապահովել սեփական անվտանգությունը»:
Ռուսաստանը և Հայաստանը երկար տարիներ դաշնակիցներ են՝ Հայաստանի տարածքում տեղակայված է ռուսական ռազմաբազա, սակայն վերջին տարիներին երկու երկրների հարաբերությունները վատթարացել են։ 2023 թվականի հունվարին Հայաստանը հրաժարվեց ՀԱՊԿ զորավարժություններ անցկացնել իր տարածքում, հուլիսին չմասնակցեց Բելառուսում անցկացված զորավարժություններին, իսկ նոյեմբերին Նիկոլ Փաշինյանը չներկայացավ ՀԱՊԿ Մինսկի գագաթնաժողովին։ Նույն թվականին Հայաստանը միացել է Հաագայի դատարանին, որը ՌԴ նախագահ Վլադիմիր Պուտինին ձերբակալելու օրդեր է տվել։ 2023 թվականին Հայաստանն ԱՄՆ-ի հետ համատեղ զորավարժություններ է անցկացրել իր տարածքում։ Զորավարժությունների նպատակը միջազգային խաղաղապահ առաքելություններին մասնակցելուն նախապատրաստվելն էր։
