Սպասվում է, որ այս շաբաթ Սահմանադրական դատարան կներկայացվի երրորդ հայցն ընդդեմ ռուսական օրենքի։ Ըստ առկա տեղեկությունների՝ հայցի տակ ստորագրելու են 32 ընդդիմադիր պատգամավորներ։ Խորհրդարանի կանոնակարգի համաձայն՝ Սահմանադրական դատարան հայց կարող է ներկայացնել խորհրդարանի անդամների ոչ պակաս, քան մեկ հինգերորդը՝ 30 պատգամավոր։
Լրահոս
Հաշմանդամ ակտիվիստը, ում տվյալները ներառվել են գործակալների ռեգիստրում, դատի է տվել արդարադատության նախարարությանը
Եվրախորհրդի կոնգրեսը խորը մտահոգություն է հայտնում Վրաստանում ժողովրդավարության հետընթացի կապակցությամբ
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Թբիլիսիում սպանվել է տրանսգենդեր կին Կեսարիա Աբրամիձեն
Հայցի հեղինակները կարծում են, որ այսպես կոչված «օտարերկրյա գործակալների» մասին օրենքը հակասում է Վրաստանի Սահմանադրության 22-րդ («Միավորումների ազատություն») և 78-րդ («Ինտեգրում եվրոպական և եվրաատլանտյան կառույցներին») հոդվածներին։
«Պայքարելը միշտ իմաստ ունի։ Մենք կտեսնենք, թե ինչպես կավարտվի այս գործընթացը։ Դատարանը կրկին կենթարկվի՞ իշխանությանը։ Դա կտեսնեն մեր ընտրողները, դա կտեսնեն միջազգային գործընկերները»,- ասել է «Եվրոօպտիմիստներ» խորհրդարանական քաղաքական խմբի անդամ Ռոման Գոցիրիձեն։
Խորհրդարանում 4 պատգամավոր ունեցող «Գիրչի» կուսակցությունը չի միանում ընդդիմության սահմանադրական պահանջին։ Որպես դրա պատճառ նրանք նշում են Սահմանադրական դատարանի անկախության խնդիրը։
«Երբ համոզվեցինք, որ ՍԴ-ն անկախ չէ իր որոշումներում, այնտեղից հետ վերցրինք բոլոր հայցերը։ Այն իրավիճակում, երբ նախագահը կամ ընդդիմադիր պատգամավորները ասում են, որ դատարանում կա կլանային իշխանություն, նրանք տարբեր ձևերով քննադատում են դատարանին, պարզապես մի փոքր տարօրինակ է թվում արդարություն գտնելու համար այնտեղ գնալը»,- ասում է «Գիրչիի» անդամ Սանդրո Ռաքվիաշվիլին։
Նախագահ Սալոմե Զուրաբիշվիլին Սահմանադրական դատարանում վիճարկել է ռուսական օրենքը և պահանջել կասեցնել դրա գործողությունը։ 69 էջանոց հայցում նախագահը պնդում է, որ «Օտարերկրյա ազդեցության թափանցիկության մասին» օրենքը և դրա առանձին նորմերը հակասում են սահմանադրության վեց հոդվածներին, այդ թվում՝ 78-րդ հոդվածին, որը վերաբերում է երկրի «եվրոպական և եվրատլանտյան կառույցներին ինտեգրմանը»։ Վարչապետ Իրակլի Կոբախիձեն արդեն հայտարարել է, որ հայցը «հեռանկար չի ունենա»։
Սահմանադրական դատարան հայց են ներկայացրել նաև հասարակական և լրատվական կազմակերպությունները։ Միաժամանակ նրանք պատրաստվում են բողոք ներկայացնել Մարդու իրավունքների եվրոպական դատարան։
Եթե Սահմանադրական դատարանը չբավարարի հայցվորների պահանջները, ապա սեպտեմբերի 3-ից ռուսական օրենքն ամբողջությամբ կգործարկվի։ Բոլոր այն հասարակական և լրատվական կազմակերպությունները, որոնք իրենց եկամուտների 20%-ից ավելին ստանում են միջազգային կազմակերպությունների դրամաշնորհներից, պետք է գրանցվեն որպես օտարերկրյա ուժի շահերն իրականացնող կազմակերպություններ։ Օրենքը «օտարերկրյա ուժի» կարգավիճակ կտա երկրի ռազմավարական գործընկերներին, որոնք դրամաշնորհներ են տրամադրում Վրաստանում։