Ամերիկայի Միացյալ Նահանգների պետքարտուղարի Եվրոպայի և Եվրասիայի հարցերով օգնական Ջիմ Օ՛Բրայենը մայիսի 14-ին կժամանի Թբիլիսի։ Նրա այցը համընկնում է Վրաստանի խորհրդարանում ռուսական օրենքի երրորդ՝ վերջնական ընթերցմամբ քննարկման հետ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ըստ Պետդեպարտամենտի՝ Օ'Բրայենը կհանդիպի Վրաստանի կառավարության, քաղաքացիական հասարակության և մասնավոր հատվածի ներկայացուցիչների հետ՝ արտահայտելու ԱՄՆ-ի ամուր նվիրվածությունը վրաց ժողովրդի և Վրաստանի ցանկության հանդեպ, որն ուղղված է դեպի խաղաղ, բարգավաճ և ապահով եվրոատլանտյան ապագա:
Օ'Բրայենը մայիսի 11-ին X-ում արձագանքել է Վրաստանում տեղի ունեցած իրադարձություններին` նշելով, որ ԱՄՆ-ը խորապես մտահոգված է այն մարդկանց նկատմամբ բռնությամբ, ովքեր դեմ են «Կրեմլի կողմից ոգեշնչված օտարերկրյա ազդեցության օրենքին»:
«Մենք դա դատապարտում ենք։ Այն երկիրը, որը մտադիր է շարժվել դեպի Եվրամիություն և անդրատլանտյան կազմակերպություններ, կանցկացներ լիարժեք, անկախ և ժամանակին հետաքննություն»,- գրել է պետքարտուղարի օգնականը։
Ավելի վաղ Օ՛Բրայենը հայտարարել էր, որ «Կրեմլից ոգեշնչված» օրենքը բացասաբար կանդրադառնա Վրաստանի եվրոպական նկրտումների վրա։
Մայիսի 13-ի աշխատանքային շաբաթվա ընթացքում խորհրդարանում նախատեսվում է «Վրացական երազանքի» ռուսական օրենքի երրորդ ընթերցումը։ Իշխող կուսակցությունը մտադիր է օրենքն ընդունել մայիսի 14-ի լիագումար նիստում։
Ինչպես նշել է վարչապետը՝ մայիսի 14-ից 28-ն ընկած ժամանակահատվածում, վետոյի ընթացակարգի շրջանակներում, հնարավոր է համաձայնեցվեն օրենքի վերաբերյալ դիրքորոշումները։ Լրագրողի հարցին, թե «Վրացական երազանքը» պատրա՞ստ է փոփոխություններ կատարել օրինագծում, Կոբախիձեն պատասխանել է. «Իհարկե։ Այլապես, ո՞րն է քննարկման իմաստը: Կստանանք իրավական դիտողություններ, և մենք խոսում ենք դրանք կիսելու մասին»։
29 կոնգրեսականներ Կոբախիձեին կոչ են անում ետ կանչել «վնասակար օրենքը»։ Վրաստանի կառավարության ղեկավարին ուղղված նամակում ամերիկացի օրենսդիրները նշում են, որ հակառակ դեպքում իրենք կմիանան սենատորների նախաձեռնությանը, որը ենթադրում է խրախուսել Վրաստանի նկատմամբ ԱՄՆ քաղաքականության փոփոխությունները, այդ թվում՝ ֆինանսական օգնության վերանայում, վիզայի և ֆինանսական պատժամիջոցների սահմանում այն մարդկանց նկատմամբ, ովքեր պատասխանատու են «Վրաստանի ժողովրդավարական զարգացման խաթարման համար»:
2024 թվականի ապրիլի 3-ին «Վրացական երազանքը» կրկին օրակարգ բերեց այսպես կոչված «օտարերկրյա գործակալների» մասին ռուսական օրենքը, որը մեկ տարի առաջ բազմահազարանոց բողոքի ակցիաներից հետո ետ կանչվեց, և եղավ խոստում, որ այն երբեք չի ընդունվի։ Ռուսական օրենքը պարտավորեցնում է անկախ լրատվամիջոցներին և ոչ կառավարական կազմակերպություններին, որոնք աշխատում են միջազգային կազմակերպությունների դրամաշնորհային աջակցությամբ և չեն վերահսկվում կառավարության կամ նրա հետ կապված խմբերի կողմից, գրանցվել որպես օտարերկրյա գործակալ։ 150-ից ավելի հասարակական և լրատվական կազմակերպություններ հայտարարություն են տարածել, որ ոչ մի դեպքում չեն գրանցվի «արժանապատվությունը ոտնահարող ռեգիստրում»։
