Թբիլիսիում ռուսական օրենքի դեմ անցկացվող բազմահազարանոց ցույցը խորհրդարանի հարակից տարածքից տեղափոխվեց կառավարության շենքի դիմաց։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ռուսթավելիի պողոտայում հավաքված ցուցարարները «Վրացական երազանքին» մեկ ժամ են տվել այսպես կոչված գործակալների մասին օրինագիծը հետ կանչելու համար, սակայն ժամկետն անցնելուց հետո պահանջը չի բավարարվել:
«Մենք ուզում ենք առաջարկել, որ հիմա իրար հետ գնանք կառավարության շենքի մոտ՝ հանգիստ, և պահանջենք, որ վարչապետը դուրս գա և խոսի մեզ հետ»,- ասել է հանրահավաքի բանախոսներից՝ Լևան Ցուցքիրիձեն, որից հետո հանրահավաքի մասնակիցները շարժվել են դեպի կառավարության շենք։
Չնայած հասարակական բողոքին և միջազգային գործընկերների քննադատությանը, «Վրացական երազանքը» առաջին ընթերցմամբ քննարկեց ռուսական օրենքը և 83 ձայնով ընդունեց այն։ Ընդդիմությունը չի մասնակցել քվեարկությանը։
«Ռուսական օրենքի ընդունման դեմ արժանապատիվ բողոքի երրորդ գիշերը։ Մի կողմից վրաց ժողովուրդը, մյուս կողմից՝ 83 պատգամավոր, ովքեր դեմ են քվեարկել մեր եվրոպական ապագային։ Ժողովուրդը միշտ հաղթում է»,- ասել է Սալոմե Զուրաբիշվիլին, ով մտադիր է վետո դնել ռուսական օրենքի վրա, եթե այն վերջնականապես ընդունվի։
ԵՄ արտաքին գործերի և անվտանգության քաղաքականության գերագույն ներկայացուցիչ Ջոզեֆ Բորելը և Հարևանության քաղաքականության և ընդլայնման հարցերով հանձնակատար Օլիվեր Վարհեին հայտարարել են, որ օրենքը չի համապատասխանում ԵՄ հիմնական արժեքներին: Նրանք Վրաստանին կոչ են արել ձեռնպահ մնալ այնպիսի օրենսդրության ընդունումից, որը կարող է վտանգել Վրաստանի ճանապարհը դեպի Եվրամիություն։
Վարչապետ Իրակլի Կոբախիձեն քվեարկությունից հետո կայացած ճեպազրույցում ասել է, որ «իրականում օրենքը հենց եվրոպական է» և «այն ոչ միայն չի հեռացնի Վրաստանին Եվրոպայից, այլ որակապես կմոտեցնի մեզ» ԵՄ ինտեգրման նպատակին։
