Լրահոս

Ժամանակավոր սահմանափակումը չի վերաբերի Եվրասիական տնտեսական միության անդամ երկրներին (Հայաստան, Բելառուս, Ղազախստան, Ղրղզստան), Մոնղոլիային, Ուզբեկստանին, ինչպես նաև Աբխազիայի և Հարավային Օսիայի դե ֆակտո հանրապետություններին։

RBC-ի հրատարակության համաձայն՝ բենզինի արտահանումը ժամանակավորապես արգելելու առաջարկով կառավարության ղեկավարին դիմել է փոխվարչապետ Ալեքսանդր Նովակը։ Փետրվարի 21-ի նամակում նա նշել է, որ ներքին շուկայում վառելիքի պահանջարկը շուտով կաճի գարնանային դաշտային աշխատանքների, նավթավերամշակման գործարաններում պլանային վերանորոգումների, ինչպես նաև ամառային արձակուրդների պատճառով։

Արգելքը, ամենայն հավանականությամբ, կանդրադառնա նաև Վրաստանին, քանի որ նավթն ու նավթամթերքը Ռուսաստանից Վրաստան ներկրվող ապրանքների ամենամեծ խմբերում առաջին տեղում են։ Վիճակագրության ազգային ծառայության տվյալներով՝ 2023 թվականին Ռուսաստանից Վրաստան է մուտք գործել 552 138 600 ԱՄՆ դոլարի 771 395․3 տոննա նավթ և նավթամթերք։

Ռուսաստանը նմանատիպ միջոցներ է կիրառել նաև անցյալ տարի։ 2023 թվականի սեպտեմբերին, մեծածախ գների կտրուկ աճի պատճառով, նախարարների կաբինետը սահմանեց բենզինի և դիզվառելիքի արտահանման արգելք, որը չեղարկվեց նոյեմբերին։ Ներկայում Ռուսաստանի կառավարությունը սահմանափակումներ է մտցնում նավթային օբյեկտների վրա մի շարք հարձակումներից հետո: Տարեսկզբից Բրյանսկի, Վոլգոգրադի, Կրասնոդարի, Լենինգրադի և Նիժնի Նովգորոդի շրջաններում առնվազն 6 նավթավերամշակման գործարաններ տուժել են անօդաչու թռչող սարքերի հարձակումներից։ Ռուսաստանի կառավարությունը հարձակումների համար մեղադրում է Ուկրաինային։