Գորիի, Կասպիի, Քարելիի և Խաշուրիի մունիցիպալիտետներում պետական լիազոր Միխեիլ Շակուլաշվիլին լքում է պաշտոնը։ Ինչպես ինքն է ասում՝ ցանկանում է իր աշխատանքը շարունակել մասնավոր հատվածում։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
Նահանգապետը հերքում է, որ հրաժարականի որոշում է կայացրել վարչապետի փոփոխության պատճառով։
«Հոգնել եմ։ Ես արդեն 26 տարի է պետական ծառայող եմ և ցանկանում եմ տեղափոխվել մասնավոր հատված և շարունակել աշխատել այնտեղ՝ ինձ համար։ Դա իմ նախաձեռնությունն էր։ Միգուցե արժանավորին կընտրեն ու կնշանակեն»,- «Մթավարի արխի»-ին տված հարցազրույցում ասել է Միխեիլ Շակուլաշվիլին ու նշել, որ առաջիկայում հրաժարականի դիմում կգրի։
Միխեիլ Շակուլաշվիլին Գորիի, Կասպիի, Քարելիի և Խաշուրիի մունիցիպալիտետներում պետական լիազոր էր նշանակվել 2022 թվականի օգոստոսին այն ժամանակվա վարչապետ Իրակլի Ղարիբաշվիլիի կողմից։ Մինչ այդ նա բարձր պաշտոններ է զբաղեցրել գլխավոր դատախազությունում, 2013-2018 թվականներին եղել է Թբիլիսիի դատախազը։
Իրակլի Կոբախիձեի վարչապետ դառնալուց հետո հրաժարական է ներկայացրել կառավարության վարչակազմի շրջանների հետ կապերի բաժնի ղեկավար Ջոնի Բառնաբիշվիլին։ Հետագայում նա նշանակվել է ֆինանսների փոխնախարար։
Մարտի 1-ին Իրակլի Կոբախիձեի հետ հանդիպումից հետո Զուրաբ Ազարաշվիլին լքել է Վրաստանի օկուպացված տարածքներից տեղահանվածների, աշխատանքի, առողջապահության և սոցիալական պաշտպանության նախարարի պաշտոնը։ Ինչպես պարզաբանել է Կոբախիձեն՝ առողջապահության նախարարի փոփոխությունը չի եղել իր ծրագրի մեջ, սակայն գործընթացում թերություններ է տեսել։