გორის, კასპის, ქარელისა და ხაშურის მუნიციპალიტეტებში სახელმწიფო რწმუნებული მიხეილ შაყულაშვილი თანამდებობას ტოვებს. როგორც ის ამბობს, სურს საქმიანობა კერძო სექტორში გააგრძელოს.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 ვინ არის ბათუმის საქალაქო სასამართლოს მოსამართლე ნინო სახელაშვილი
- 3 ბაკურციხე-თბილისის გზაზე ავტოავარიის შედეგად ოთხი ადამიანი დაიღუპა
- 4 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 5 „შერატონის“ მენეჯერის თქმით, ქორიძესა და გახარიაზე თავდასხმის ჩანაწერები შსს-ს ჯერ არ ამოუღია
- 6 „ბო*იშვილი ვიყო, სისხლით დავიჭერ“ - ბათუმის პოლიციის უფროსი ირაკლი დგებუაძე მზია ამაღლობელზე
გუბერნატორი უარყოფს, რომ თანამდებობიდან წასვლის გადაწყვეტილება პრემიერ-მინისტრის შეცვლის გამო მიიღო.
„დავიღალე რა. 26 წელია საჯარო მოხელე ვარ და მინდა, კერძო სექტორში გადავიდე და გავაგრძელო იქ მოღვაწეობა ჩემი თავისთვის, ჩემთვის. ეს ჩემი ინიციატივა იყო. ალბათ შეარჩევენ ვიღაცას, ღირსეულს და დანიშნავენ“, - განაცხადა მიხეილ შაყულაშვილმა „მთავარ არხთან“ ინტერვიუში და აღნიშნა, რომ გადადგომის შესახებ განცხადებას უახლოეს მომავალში დაწერს.
მიხეილ შაყულაშვილი გორის, კასპის, ქარელის და ხაშურის მუნიციპალიტეტებში სახელმწიფო რწმუნებულად 2022 წლის აგვისტოში მაშინდელმა პრემიერ-მინისტრმა, ირაკლი ღარიბაშვილმა დანიშნა. მანამდე ის გენერალურ პროკურატურაში მაღალ თანამდებობებს იკავებდა, 2013 - 2018 წლებში თბილისის პროკურორი იყო.
მას შემდეგ, რაც პრემიერ-მინისტრი ირაკლი კობახიძე გახდა, თანამდებობა დატოვა მთავრობის ადმინისტრაციის რეგიონებთან ურთიერთობის დეპარტამენტის უფროსმა ჯონი ბარნაბიშვილმა. მოგვიანებით ის ფინანსთა მინისტრის მოადგილედ დაინიშნა.
1-ელ მარტს, ირაკლი კობახიძესთან შეხვედრის შემდეგ, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის თანამდებობიდან გადადგა ზურაბ აზარაშვილი. როგორც კობახიძემ განმარტა, ჯანდაცვის მინისტრის შეცვლა მის გეგმაში არ შედიოდა, მაგრამ პროცესში ხარვეზები დაინახა.
