Հունգարիան ամեն տեսակի աջակցություն կցուցաբերի Վրաստանին Եվրամիությանն անդամակցելու արագացման համար և վետո կդնի Բրյուսելի կողմից Վրաստանի կառավարության ներկայացուցիչների դեմ կիրառվող ցանկացած պատժամիջոցների վրա։ Այս մասին հայտարարել է Հունգարիայի արտաքին գործերի նախարար Պետեր Սիյարտոն Վրաստանի ոչ լեգիտիմ արտաքին գործերի նախարար Մակա Բոճորիշվիլիի հետ Բուդապեշտում անցկացրած մամուլի ասուլիսում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 ԵՄ-ն ընտրություններն ուսումնասիրելու համար առաքելություն կուղարկի Վրաստան և կչեղարկի կառավարությանը տրվող 121 միլիոնի օգնությունը
- 6 Աղմկոտ նիստից հետո ԿԸՀ-ն հաստատեց ընտրությունների ամփոփիչ արձանագրությունը
Ինչպես ասել է Սիյարտոն, Բոճորիշվիլիի առաջին պաշտոնական այցը արտասահման տեղի է ունեցել Հունգարիայում, և դա տեղի է ունեցել այն ժամանակ, երբ երկու երկրներն էլ «պայքարում են իրենց ինքնիշխանությունը պահպանելու համար»։ Նա շնորհավորել է «Վրացական երազանքին» խորհրդարանական ընտրություններում տարած հաղթանակի կապակցությամբ, նշել, որ Եվրամիությունը փորձում է անտեսել ժողովրդի կամքը և կասկածի տակ դնել ընտրությունների արդյունքները։
Պիտեր Սիյարտոյի խոսքով՝ Բրյուսելում քննարկվում է Վրաստանի ներքին գործերի նախարարի և երկու բարձրաստիճան ոստիկանների դեմ պատժամիջոցներ կիրառելու հարցը։
«Դա հիմարություն է, դա անհանգստացնող է, դրա համար ոչ մի պատճառ չկա: Հունգարիան կտրականապես դեմ է պատժամիջոցային ցուցակում Վրաստանի պետական պաշտոնյաների ընդգրկմանը, և եթե նման առաջարկ լինի, մենք, բնականաբար, վետո կդնենք դրա վրա։ Դրանում բոլորը պետք է վստահ լինեն»,- ասել է Սիյարտոն։
Դեկտեմբերի 16-ին Բրյուսելում նախատեսված է Եվրամիության արտաքին հարաբերությունների խորհրդի նիստ, որտեղ կհանդիպեն անդամ 27 երկրների, այդ թվում՝ Հունգարիայի արտգործնախարարները։ Քննարկվելիք թեմաներից մեկը լինելու է Վրաստանում տիրող իրավիճակը։
Ինչպես հայտնել է Վրաստանում Եվրամիության դեսպան Պավել Հերչինսկին, աշխատանքներ են տարվում պատժամիջոցների նախապատրաստման ուղղությամբ և դիտարկվում է «որոշ կատեգորիաների անձնագրերի համար առանց վիզայի ռեժիմը կասեցնելու տարբերակը»։
Պատժամիջոցների վերաբերյալ որոշում կայացնելու համար անհրաժեշտ է բոլոր 27 անդամ երկրների կոնսենսուսը։
Վերջերս Եվրամիության առանձին երկրներ՝ Լիտվան, Լատվիան և Էստոնիան ազգային վիզային պատժամիջոցներ են կիրառել «Վրացական երազանքի» պատվավոր նախագահ Բիձինա Իվանիշվիլիի, ինչպես նաև ՆԳ նախարար Վախթանգ Գոմելաուրիի և ՆԳ նախարարության 9 բարձրաստիճան պաշտոնյաների նկատմամբ։
Այս թեմայով՝
