Դատարանի որոշման համաձայն՝ «Պիրվելի» հեռուստաընկերության լրագրող Նատո Գոգելիայի վրա հարձակման գործով ձերբակալվել է ռուսամետ «Ալտ-Ինֆո» կուսակցության անդամ և Օզուրգեթիի գրասենյակի ղեկավար Մամուկա Անդղուլաձեն։ Հատուկ քննչական ծառայության տեղեկություններով՝ կալանավորը մեղադրվում է լրագրողի մասնագիտական գործունեությանը ապօրինի խոչընդոտելու, բռնություն գործադրելու և այլոց գույքին վնասելու մեջ։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Քննությամբ պարզվել է, որ 2023 թվականի մարտի 15-ին Օզուրգեթիի շրջանի Բախվի գյուղում հաղորդման վրա աշխատելիս մեղադրյալը բռնություն է գործադրել Նատո Գոգելիայի նկատմամբ, նրա մասնագիտական գործունեությանը խոչընդոտելու նպատակով խլել է բջջային հեռախոսը և վնասել այն:
«Նշված արարքը լրագրողի համար խոչընդոտ է հանդիսացել մասնագիտական գործունեությունը իրականացնելիս, մասնավորապես՝ նա չի կարողացել նկարահանել ռեպորտաժը, իսկ բռնության արդյունքում ստացել է ֆիզիկական ցավ»,- հայտնում են քննչական ծառայությունից։
Մամուկա Անդղուլաձեն «Ալտ-Ինֆո»-ի այն անդամներից է, ով մարտի 14-ին Թբիլիսիում իջեցրել և այրել է խորհրդարանի շենքի մոտ կանգնեցված Եվրամիության դրոշը։ Գոգելիայի վրա հարձակումից առաջ Մամուկա Անդղուլաձեն փորձել է հանել ԵՄ դրոշը նաև Գուրիայի նահանգապետի աշխատակազմի դիմաց, սակայն անվտանգության ոստիկանությունը նրան թույլ չի տվել դա անել։
Մամուկա Անդղուլաձեն ձերբակալվել է Քրեական օրենսգրքի 154-րդ հոդվածի երկրորդ մասով (լրագրողին մասնագիտական գործունեությանը ապօրինի խոչընդոտելը բռնության սպառնալիքով), 126-րդ հոդվածի առաջին մասով (ծեծ կամ այլ բռնություն) և 187 հոդվածի առաջին մասով (ուրիշի ունեցվածքը ոչնչացնել կամ վնասել): Հանցագործությունների համար առավելագույն պատիժը 2 տարի ազատազրկումն է։
2022 թվականին լրագրողների նկատմամբ կատարված հանցագործությունների վերաբերյալ Հատուկ քննչական ծառայության կողմից հարուցվել է 12 քրեական գործ։ Ինչպես հայտնում են ծառայությունից՝ քրեական հետապնդում է հարուցվել 7 անձի նկատմամբ։
