Լունդի համալսարանի (Շվեդիա) պրոֆեսոր, Ցողունային բջիջների կենտրոնի հետազոտական խմբի ղեկավար Զաալ Կոկաիան խոսել է Voxzogo դեղամիջոցի մասին, որի ֆինանսավորումն են պահանջում Վրաստանում ախոնդրոպլազիա ունեցող երեխաների ծնողները՝ավելի քան մեկ տարի։ Բժիշկը նշում է, որ այս դեղամիջոցը ոչ միայն օգնում է երեխաների աճին, այլև թեթևացնում է ծանր ախտանիշները։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Ախոնդրոպլազիան գենետիկ հիվանդություն է, որն առաջացնում է անհամաչափ աճ և կարճ վերջույթներ։ Դա պայմանավորված է գեներից մեկի կառուցվածքի փոփոխությամբ, ինչը հանգեցնում է այս գենի կողմից կոդավորված սպիտակուցի արտադրության ավելացմանը։ Սա իր հերթին կանխում է աճառի վերածումը ոսկորի երեխայի աճի ընթացքում, դանդաղեցնում է վերջույթների ոսկորների աճը և կապված է բազմաթիվ այլ ախտանիշների հետ։
Voxzogo նոր դեղամիջոցը հանգեցնում է թերի գենի արտադրած սպիտակուցի քանակի նվազմանը, և հետևաբար աճառն ավելի հեշտությամբ վերածվում է ոսկորի։
Voxzogo-ի անվտանգությունն ու արդյունավետությունը գնահատվել է շատ մանրամասն և հուսալի այսպես կոչված երրորդ փուլի կլինիկական փորձարկման ժամանակ: Դրա կողմնակի ազդեցությունները նվազագույն են՝ համեմատած ստացված դրական արդյունքների հետ։
Այս դեղը հաստատվել է ԱՄՆ Սննդի և դեղերի վարչության կողմից 2021 թվականի նոյեմբերին։ Այն փաստը, որ դեղը հաստատվել է արագացված և առաջնահերթ կարգով, առանց ավելորդ բյուրոկրատական ձևականությունների, ցույց է տալիս, որ այս դեղամիջոցը արդյունավետ է և շատ անհրաժեշտ հիվանդների համար:
Voxzogo-ն ճանաչված է ԵՄ և ճապոնական կարգավորիչների կողմից: Այս դեղամիջոցը ոչ միայն օգնում է երեխաների աճին, այլև, ինչը շատ կարևոր է, թեթևացնում է ծանր ախտանիշները։ Այս դեղը կօգնի նաև երեխաներին հարմարվել հասարակությանը, հնարավորություն կտա բարելավել իրենց ինքնասպասարկումը և կյանքի որակը»,- ասում է Զաալ Կոկաիան։
Ախոնդրոպլազիա ախտորոշված երեխաների ծնողներն ութերորդ գիշերն են անցկացրել Թբիլիսիում՝ կառավարության աշխատակազմի մոտ՝ պահանջելով հանդիպում վարչապետի հետ և Voxzogo դեղամիջոցի պետական ծրագրի շրջանակներում ֆինանսավորում։
Մարտի 24-ին կառավարության նիստում Իրակլի Ղարիբաշվիլին ասել է, որ երեխաների համար դեղ գնելու համար անհրաժեշտ 10 մլն լարին կառավարության համար «սկզբունքային և կրիտիկական չէ»։ Ղարիբաշվիլիի խոսքով՝ ախոնդրոպլազիայով հիվանդ երեխաների կյանքին վտանգ չի սպառնում, և մինչ կառավարությունը ֆինանսավորման հարցով որոշում կկայացնի, անհրաժեշտ է լրացուցիչ ուսումնասիրություններ կատարել։
Առողջապահության նախարարի առաջին տեղակալ Թամար Գաբունիան ասել է, որ եթե ԵՄ երկու կամ երեք երկրներ սկսեն ակտիվորեն կիրառել դեղը մինչև սեպտեմբեր, ապա նախարարությունը «շատ ամուր հիմք» կունենա դեղը երկիր ներմուծելու շուրջ բանակցություններ սկսելու համար։ Այնուամենայնիվ, Գաբունիան ասել է, որ չպետք է չափազանց մեծ ակնկալիքներ ունենալ դեղամիջոցի հետ կապված, քանի որ այն «հատկապես աճը խթանող դեղամիջոց է» և այլ ախտանիշների դեպքում, որոնք երեխաները կարող են ունենալ «այլ տեսակի միջամտության կարիք կլինի»:
Հազվագյուտ գենետիկ հիվանդությամբ երեխաների ծնողներն ասում են, որ ժամանակ չունեն սպասելու, քանի որ դեղամիջոցը կկորցնի իր արդյունավետությունը, երբ երեխաները հասնեն սեռական հասունացման տարիքի:
