Վրաստանի նախագահ Սալոմե Զուրաբիշվիլին կարծում է, որ ընտրություններից առաջ երկիրը չպետք է պատժամիջոցների ենթարկվի։ Այս մասին նա հայտարարել է երիտասարդների հետ հանդիպմանը, որտեղ նրան հարցրել են, թե որքանով արդյունավետ կլինեն արդեն իսկ կիրառված պատժամիջոցները, և արդյոք անհրաժեշտ է դրանք խստացնել։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
«Ես բոլորին, ում հանդիպում եմ, և հաջորդ օրերին շատ կարևոր հանդիպումներ կունենամ, ասում եմ, որ վրաց ժողովուրդը չպետք է պատժվի։ Այսինքն՝ երկրի նկատմամբ պատժամիջոցներ չեն կարող կիրառվել, քանի դեռ երկիրը ընտրություններում ժողովրդավարական կերպով չի պատասխանել, թե ինչպիսի ապագա է ուզում։ Այսօր վրացի ժողովուրդը պայքարում է եվրոպական ապագայի համար, սա այն պահը չէ, երբ պետք է պատժվեն եվրոպացիների կամ ամերիկացիների կողմից։ Որպես երկրի նախագահ՝ ես երբեք չեմ խոսում անհատական պատժամիջոցների մասին, դա իմ դերը չէ և չեմ կարող խոսել նաև այդ պատժամիջոցների արդյունավետության մասին»,- ասել է նախագահը։
Սալոմե Զուրաբիշվիլին հոկտեմբերի 26-ին նշանակված խորհրդարանական ընտրությունները «էկզիստենցիալ» է անվանել։
«Մենք բավական ժամանակ ունենք այս ընտրություններին պատրաստվելու համար, ժամանակ ունենք միասին։ Պետք է սկսել քարոզարշավը, պետք է մարդկանց տեղյակ պահել, որ այս ընտրությունները ընտրություններ չեն, դա էքզիստենցիալ ընտրություն է, որտեղ պետք է մեկընդմիշտ ասենք այն, ինչ ասում է Վրաստանը 30 տարի շարունակ, Վրաստանն ասում է միշտ, որ այդ արժեքները, որոնք եվրոպական արժեքներ են, դա նրա արժեքներն էլ են։ Այս արժեքները չի կարող փոխվել դրսից։ Չի կարելի, որ Վրաստանը ռուսականացվի, չի կարելի, որ այն անկախ չլինի և ուժեղ չլինի։ Սա մեր ընտրությունն է առաջիկա ընտրությունների համար»,- ասել է նախագահը։
Վրաստանի խորհրդարանի կողմից, այսպես կոչված «օտարերկրյա գործակալների» մասին ռուսական օրենքի ընդունման, ինչպես նաև օրենքի հակառակորդների նկատմամբ բռնության և ահաբեկման արշավի պատճառով, ԱՄՆ Պետդեպարտամենտը պատժամիջոցներ է կիրառել Վրաստանի տասնյակ քաղաքացիների նկատմամբ։ Վիզային պատժամիջոցների առաջին մասը վերաբերել է մոտ 30 մարդու։ Նրանց թվում են «Վրացական երազանքի» անդամներ, պատգամավորներ, ուժային կառույցների աշխատակիցներ, առանձին անձինք։ Պատժամիջոցների ենթարկվածների անունները չեն հրապարակվում։ Բացի այդ, ԱՄՆ-ը կարող է կրճատել Վրաստանին տրամադրվող ֆինանսական օգնությունը։
ԵՄ-ն նույնպես ռուսական օրենքի ընդունման պատճառով պատասխան քայլեր է դիտարկում։ Անդամ երկրները քննարկում են մի շարք տարբերակներ, ներառյալ վիզայի ազատականացման դադարեցումը և ֆինանսական օգնության վերանայումը: Էստոնիայի խորհրդարանը նաև հայտարարություն է ընդունել Վրաստանի դեմ պատժամիջոցներ սահմանելու պահանջով։