Իշխող «Վրացական երազանք» կուսակցության առաջնորդ Իրակլի Կոբախիձեն հակասահմանադրական է որակել Վրաստանի Ազգային բանկի հայտարարությունը, ըստ որի՝ ԱՄՆ պատժամիջոցների պատճառով վրացական բանկերում սառեցվել են նախկին գլխավոր դատախազ Օթար Փարցխալաձեի բանկային հաշիվները։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
«Երբ խոսքը կոնկրետ որոշում կայացնելու մասին է, Ազգային բանկի ներքին կանոնակարգը կարող է գոյություն ունենալ, բայց առաջնահերթությունը միշտ տրվում է Վրաստանի Սահմանադրությանը։ Եթե Ազգային բանկը նման որոշում է ընդունում, ապա դա ուղղակիորեն հակասում է Վրաստանի Սահմանադրությանը, մասնավորապես, նրա հիմնարար սկզբունքներից մեկին, որն անմեղության կանխավարկածն է։ Վրաստանի քաղաքացիները հատուկ պաշտպանված են Վրաստանի Սահմանադրությամբ։ Իհարկե, օտարերկրացուն կարող են սահմանափակել այստեղ առևտրային կամ այլ տեսակի գործունեություն իրականացնելու համար, բայց երբ խոսքը վերաբերում է Վրաստանի քաղաքացուն, պետությունն այլ պատասխանատվությամբ է գործում»,- ասել է Կոբախիձեն՝ հավելելով, որ երբ Պետդեպարտամենտը չի հրապարակում ապացույցներ, դժվար է փաստին արձագանքել։
«Երբ նման մեղադրանքներ են հնչում, բնականաբար, դրան պետք է հետևեն ապացույցներ։ Այնտեղ կհիշեք նույն դատարանի հետ, ոչ մի ապացույց չհրապարակվեց, երբ վիզային սահմանափակումներ կիրառվեցին դատավորների նկատմամբ: Այստեղ մենք գործ ունենք նույն դեպքի հետ, ինչը, իհարկե, դժվարացնում է ընդհանուր արձագանք տալ դրան։ Նման պահին պետք է ապացույցներ հրապարակել, դա ճիշտ վերաբերմունք կլինի մեր պետության և վրաց հասարակության նկատմամբ։ Երբ ապացույցները չեն հրապարակվում, դա, իհարկե, շատ մտահոգիչ է»,- ասել է Իրակլի Կոբախիձեն։
Իշխող կուսակցության առաջնորդն արձագանքել է Վրաստանի նախագահի հայտարարությանը, ըստ որի՝ «մեծ դժբախտություն է, որ երկրում գլխավոր դատախազը «Էֆ Էս Բե»-ի կամ «Կա Գե Բե»-ի գործակալ է եղել»։
«Վրաստանի նախագահից առաջին հերթին պահանջվում է առանց ապացույցների չխոսել Վրաստանի քաղաքացու մասին։ Հատկապես, երբ խոսքը գնում է հանցագործության մեղադրանքի մասին։ Սա Վրաստանի նախագահի պարտականությունն է։ Նա կարող է իրավաբան չլինել, բայց սահմանադրության տարրական գիտելիքները պարտադիր են նույնիսկ քաղաքացիության թեկնածուների համար, եթե ոչ Վրաստանի նախագահի համար: Բոլորին, այդ թվում՝ Վրաստանի նախագահին, խորհուրդ կտամ ավելի շատ հետևել սահմանադրության պահանջներին»,- ասել է Կոբախիձեն։
Սեպտեմբերի 14-ին հայտնի դարձավ, որ ԱՄՆ-ը պատժամիջոցներ է կիրառել Վրաստանի նախկին գլխավոր դատախազ Օթար Փարցխալաձեի նկատմամբ։ Պետդեպարտամենտի փաստաթղթում Փարցխալաձեն նշվում է որպես վրացի-ռուս օլիգարխ, ում հետ Ռուսաստանի Անվտանգության դաշնային ծառայությունը (FSB) աշխատել է վրաց հասարակության և քաղաքականության վրա հօգուտ Ռուսաստանի ազդելու համար:
Օթար Փարցխալաձեն Վրաստանի գլխավոր դատախազն է եղել 2013 թվականի նոյեմբերից դեկտեմբերը ներառյալ:
