Gürcüstan prezidenti Salome Zurabişvili Münhen Təhlükəsizlik Konfransı çərçivəsində “Deutsche Welle” telekanalına verdiyi müsahibəsində Rusiyanın Gürcüstanın daxili işlərinə müdaxiləsinin təhlükələrindən danışıb. Prezidentin sözlərinə görə, Gürcüstana qarşı hibrid müharibə aparılır.
Əsas xəbərlər
“Biz [Rusiyaya] daha yaxınıq və xalqımız, xarakterimiz Rusiya qurumlarına daha yaxşı məlumdur. Ona görə də müəyyən dərəcədə Gürcüstanın işlərinə qarışmaq onlar üçün daha asandır, çünki bu, onlar üçün tanış zəmindir. Bundan əlavə, gürcü xalqı sovet təbliğatı ilə tanışdır, bu, indiki Rusiya təbliğatından çox da fərqlənmir. Deməli, bəlkə də onların [xalqın] fəallığı daha yüksəkdir, amma biz təhlükə altındayıq və bu il daha çox təhlükə altında olacağıq, çünki oktyabrda parlament seçkiləri var. Əminəm ki, biz çoxlu müdaxilə gözləyə bilərik. “Gürcüstana qarşı hibrid müharibə gedir”, - Zurabişvili bildirib
Bununla belə, Zurabişvili hesab etmir ki, Gürcüstan və Rusiya münasibətlərində nəsə dəyişə bilər: “Vəziyyəti dəyişə biləcək yeganə şey Rusiyanın bütün işğal olunmuş ərazilərdən – istər Ukraynadan, istərsə də Gürcüstandan çıxmasıdır. Bu, Avropanın təhlükəsizliyinin gələcəyidir, Avropanın yanında müstəqil dövlətləri və əraziləri işğal edən bir ölkənin deyil”.
Müsahibə zamanı jurnalist qeyd edib ki, Salome Zurabişvili hökumətin icazəsi olmadan Münhen konfransına gedib və ondan Aİ-nin genişlənməsi ilə bağlı ölkə daxilində, Gürcüstanda hansı siyasi mübarizələin getdiyini soruşub.
“Hər bir ölkədə olduğu kimi, daxili siyasi mübarizələr var, lakin Gürcüstandan kənarda insanların bilməsi çox vacib olan odur ki, bu [Avropa yolu] gürcü xalqı ilə tam razılaşdırılıb və bu son 30 ildə belə olub. Müstəqillik əldə etdiyi andan gürcü xalqı gürcü yolunu - Gürcüstanın Avropaya gedən yolunu dəstəkləyir. Bu heç vaxt dəyişməyib. Hətta Gürcüstan işğal olunanda və ya tutulanda belə. Bu, gələcəkdə də dəyişməyəcək, çünki bu, bu ölkə üçün əslində mövcud olan yeganə perspektivdir”, - Salome Zurabişvili cavab verib.
1963-cü ildən hər il keçirilən Münhen Konfransı beynəlxalq təhlükəsizlik məsələlərinə dair dünya üzrə aparıcı forumlardandır. Tədbirdən bir neçə gün əvvəl Gürcüstanın keçmiş baş naziri, hakim “Gürcü Arzusu” partiyasının fəxri sədri Bidzina İvanişvilinin adının “Rusiyayönümlü oliqarx” kimi hallanıb və onun Gürcüstanın demokratik geriləməsinə görə məsuliyyət daşıdığının qeyd edildiyi konfransın 2024-cü il hesabatı dərc edilib.
