Rusiya tərəfindən işğal olunmuş qondarma Cənubi Osetiyanın de-fakto hakimiyyətinin bildirdiyinə görə, Gürcüstanda artıq “sərhəd xəttinin” haradan keçməsi ilə bağlı dialoqun zəruriliyini müzakirə edilir. “RES” agentliyinin məlumatına görə, bu barədə Cenevrədəki beynəlxalq müzakirələrdə de-fakto Cənubi Osetiyanın nümayəndə heyətinin rəhbəri, qondarma prezidentin müşaviri Konstantin Koçiyev bildirib.
Əsas xəbərlər
Onun sözlərinə görə, “sərhəd”də münaqişələrin qarşısını almaq üçün bu işlər birgə aparılmalıdır. Köçiyev hesab edir ki, sovet dövründən qalan sərhəd xətti əhalinin maraqlarının nəzərə alınması baxımından tam başa düşülməyib.
“Haradasa kilsələr, qəbiristanlıqlar və digər obyektlər var ki, tərəflərdən birinin həmin əraziyə yüksək marağı olduğu halda onları dəyişdirmək mümkündür.
Gürcüstan tərəfi hələ delimitasiya məsələsini müzakirə etməyə hazır deyil, lakin əminəm ki, biz oradək gedəcəyik”, - de-fakto prezidentin nümayəndəsi bildirib.
Onun sözlərinə görə, dekabrın 5-6-da keçirilən 95-ci raundda iştirakçılar “Gürcüstanın Abxaziya və Cənubi Osetiya ilə sərhədlərində” vəziyyəti sabit kimi qiymətləndiriblər.
“Biz uzun müddətdir ki, ümumi vəziyyəti təhlükəsiz hesab edirik. Amma bununla yanaşı, biz vaxtaşırı Gürcüstanın sərhədi pozmasına diqqət yetiririk ki, bu da bəzən vəziyyətin gərginləşməsinə səbəb olur. Burada həll yolu sadədir - birgə yaradılan komissiyalar tərəfindən sərhədlərin delimitasiyası və sonrakı demarkasiyası haqqında saziş”, - Koçiyev bildirib.
“Gürcüstan-Abxaziya və Gürcüstan-Cənubi Osetiya dövlət sərhədləri”nin delimitasiyası və demarkasiyasına başlamaq zərurətindən Cenevrə müzakirələrinin 59-cu raundunda Rusiya Federasiyasının nümayəndə heyəti də danışıb.
Gürcüstan Xarici İşlər Nazirliyinin yaydığı bəyanatda işğal olunmuş regionlarla qondarma dövlət sərhədinin delimitasiyası və demarkasiyası məsələsinə toxunulmayıb.
İşğal altında olan Cənubi Osetiyanın de-fakto hökuməti qondarma Cənubi Osetiya Respublikasının dövlət sərhədinin “Cənubi Osetiya Muxtar Dairəsinin yaradılması haqqında 20 aprel 1922-ci il tarixli Fərman”ın məlumatlarına uyğun olaraq çəkilməsini planlaşdırır.
Sözügedən plana əsasən, qondarma dövlət sərhədindən kənarda əlavə 200 kvadrat kilometr ərazi qalmalıdır.
58 yaşlı Tamaz Qinturi noyabrın 6-da işğal xəttinin yaxınlığında yerləşən, Kirbali kəndi yaxınlığında rus əsgərləri tərəfindən qətlə yetirilib. Onun kürəyinə iki güllə tuş gəlib. Onunla birlikdə olan həmkəndlisi, 33 yaşlı Levan Dotiaşvili qaçırılıb və 4 gün ərzində orada saxlanılıb. Noyabrın 7-də “Tsxinvali TV” Tamaz Qinturi və Levan Dotiaşvilinin tıxanmış kilsə qapısını necə açdığını göstərən video yayımlayıb.
Kirbalidəki Lomisa kilsəsi işğal xəttindən o tayda yerləşir. Avqust ayında işğalçılar kilsənin qapısını qalay lövhə ilə bağlayıblar ki, ziyarətçilər içəri girə bilməsinlər. Öldürülən Tamaz Qinturi 2008-ci ildə Rusiya-Gürcüstan müharibəsinin iştirakçısı olub və mayor olub. Yerli sakinlər onun bu səbəbdən öldürüldüyünüdüşünür .
Kirbalidən qaçırılan Levan Dotiaşvili noyabrın 9-da Tsxinvali regionunun de-fakto hakimiyyəti tərəfindən azad edilib. Dotiaşvili bildirib ki, onlar Lomisa kilsəsi yaxınlığında rus əsgərindən münaqişəsiz şəkildə ayrılıblar, lakin o, qəfil onu və Tamaz Qinturini təqib edərək atəş açıb.
