İşğal altında olan Abxaziyanın Qaqra rayonunda, Rusiya sərhədinə yaxın ərazidə baş verən atışma nəticəsində bir yerli sakin həlak olub, üç nəfər yaralanıb. Hücum edənlər qaçaraq gizləniblər.
Əsas xəbərlər
Atışma bazar günü, iyunun 23-də “Psou” sərhəd-keçid məntəqəsinin ərazisində baş verib.
“1985-ci il təvəllüdlü vətəndaş həyati təhlükə ehtiva edən yara alıb. 2007-ci il təvəllüdlü azyaşlı qız qolundan yaralanıb və tibb müəssisəsinə aparılıb. Həmçinin iki nəfər də xəstəxanaya yerləşdirilib: 1998-ci il təvəllüdlü ayaq, 1995-ci il təvəllüdlü şəxs isə qarın nahiyəsinin yarası ilə”, - deyə de-fakto Daxili İşlər Nazirliyindən bildirilib.
Mövcud məlumata görə, cinayəti törətməkdə şübhəli bilinən şəxslərin kimliyi müəyyən edilib və tutulmaları istiqamətində tədbirlər davam etdirilir.
İyunun 23-də naməlum şəxslər Dağıstanda da atəş açıb. Mahaçqala və Dərbənddəki pravoslav kilsələri, sinaqoqlar və yol polisi postu terror aktının hədəfi olub. Son məlumata görə, hücum nəticəsində hüquq-mühafizə orqanlarının əməkdaşları və mülki şəxslər də daxil olmaqla azı 15 nəfər həlak olub. Dağıstanda üç günlük matəm elan edilib.
