Rusiya tərəfindən işğal olunmuş Tsxinvali bölgəsinin de-fakto hakimiyyəti noyabrın 6-da Kirbali kəndindən qaçırılan Levan Dotiaşvilini sərbəst buraxılıb. Dotiaşvili Erqnetidə Gürcüstan hüquq-mühafizə orqanlarına təhvil verilib. Onun sifət nahiyyəsində xəsarət var. Dövlət Təhlükəsizliyi Xidmətinin Analitik Departamentinin direktor müavini İrakli Antadze izah edib ki, Dotiaşvilidən alınan məlumata görə, o saxlanılan zamanı xəsarət alıb.
Əsas xəbərlər
Levan Dotiaşvili bu gün jurnalistlərə açıqlama verməyib və sabah çıxış edəcəyini bildirib. O, Tamaz Qinturinin rus əsgərləri tərəfindən qətlə yetirilməsinə şahidlik edən şəxsdir.
“Levan Dotiaşvilinin dərhal və qeyd-şərtsiz azad edilməsi məsələsi noyabrın 6-da Qori bələdiyyəsinin Ergenti kəndində Rusiya işğalçı qüvvələrinin, işğal olunmuş Tsxinvali bölgəsinin və Aİ-nin monitorinq missiyasının nümayəndələrinin iştirak etdiyi texniki iclasda fəal şəkildə müzakirə olunub. Beynəlxalq tərəfdaşlar danışıqlarda fəal iştirak ediblər. Mərkəzi hökumət Tamaz Qinturinin qətlində əli olan şəxslərin məsuliyyətə cəlb edilməsi üçün fəal işini davam etdirir. İşğal olunmuş ərazilərdə qeyri-qanuni saxlanılan bütün Gürcüstan vətəndaşlarının azad edilməsi istiqamətində də iş aparılır”, - deyə DTX-nın yaydığı bəyanatda bildirilir.
58 yaşlı Tamaz Qinturi noyabrın 6-da rus əsgərləri tərəfindən qətlə yetirilib Onun kürəyinə iki güllə tuş gəlib. Onunla birlikdə olan həmin kənd sakini 33 yaşlı Levan Dotiaşvili 4 gün idi ki qaçırılmışdı.
Noyabrın 7-də Tsxinvali TV Tamaz Qinturi və Levan Dotiaşvilinin yapışdırıcı maddə ilə bərkidilmiş kilsə qapısını necə açdığını göstərən video yayımlayıb.
Kirbalidəki Lomisi kilsəsi işğal xəttindən o tayda yerləşir. Avqust ayında işğalçılar kilsənin qapısını qalay lövhə ilə bağlayıblar ki, ziyarətçilər içəri girə bilməsinlər.
Qətlə yetiriliən Tamaz Qinturi 2008-ci ildə Rusiya-Gürcüstan müharibəsinin iştirakçısı olub və mayor olub. Elə buna görə də yerli əhali rus əsgərlərinin onu pusquya salaraq qəsdən öldürdüyünü düşünür.
Qətlə yetirilən şəxsin ailəsi bu cür faciələrin qarşısını almaq üçün Kirbalidə polis bölməsinin açılmasını tələb edir.
