Gürcüstan Milli Bankının idarə heyətinin iclasında idarə heyəti üzvlərinin əksəriyyəti Natia Turnavanı birinci vitse-prezident seçiblər. Milli Banka prezident təyin olunana qədər Turnava onun vəzifələrini icra edəcək.
Əsas xəbərlər
“Buna baxmayaraq, hamımızı Milli Banka sədaqətimiz, ölkənin maliyyə sabitliyinə xidmət etmək ümumi məqsədi birləşdirir və Milli Bankdakı komandamız bundan sonra da bu istiqamətdə fəaliyyətini davam etdirəcək. Milli Bankın prezidenti olmadığı müddətdə bu vəzifəni yerinə yetirmək və bu quruma rəhbərlik etmək üçün İdarə Heyətinin mənə dəstək olması mənim üçün böyük şərəfdir”, - Natia Turnava deyib.
Natia Turnava Milli Bankın vitse-prezidenti seçilməzdən əvvəl “Gürcü Arzusu”nun təşəbbüsü ilə “Milli Bank haqqında” üzvi qanuna düzəlişlər edilmiş, nəticədə Milli Bankın İdarə Heyətində birinci vitse-prezident vəzifəsi təqdim edilib. Birinci vitse-prezident Milli Bankın prezidenti olmadıqda onun səlahiyyətlərini icra edir.
Prezident Salome Zurabişvili “Gürcü arzusu”nun qəbul etdiyi qanuna veto qoyub, çünki o, qanunvericilik dəyişikliklərinin konstitusiya orqanının idarəçiliyinə kobud müdaxiləyə səbəb olacağına inanırdı. Zurabişvili maliyyə naziri vəzifəsini icra edən Laşa Xutişvilini Milli Bank Şurasının üzvlüyünə namizədlərdən biri kimi təqdim etməkdən imtina etdikdən sonra “Gürcü arzusu” vetonu aşmaq qərarına gəlib. İyunun 13-də parlament vetonu 9 əleyhinə 82 səslə aşdı.
Milli Bankın prezidenti vəzifəsi Koba Qvenetadzenin səlahiyyət müddəti başa çatdıqdan sonra 2023-cü ilin martından yer vakantdır. İndiyədək prezidentin səlahiyyətlərini vitse-prezidentlərdən biri – Arçil Mestvirişvili həyata keçirirdi.
Qanuna görə, Milli Bankın prezidenti Milli Bank Şurasının təqdimatı ilə Milli Bank Şurasının üzvləri sırasından Gürcüstan Prezidenti tərəfindən vəzifəyə təyin və vəzifədən azad edilir.
Parlament 2022-ci il iyunun 7-də keçmiş iqtisadiyyat və davamlı inkişaf naziri Natia Turnavanı Milli Bankın İdarə Heyətinin üzvü vəzifəsinə 7 il müddətinə seçib. Parlamentə onun namizədliyini Salome Zurabişvili təqdim edib. Turnava 2019-2022-ci illərdə Gürcüstanın İqtisadiyyat və Davamlı İnkişaf naziri olub, 2018-2019-cu illərdə isə nazir müavini vəzifəsini tutub. 2013-2018-ci illərdə Dövlət İnvestisiya Fondu – “Tərəfdaşlıq Fondu”nun icraçı direktorunun müavini vəzifəsində işləyib.
