Gürcüstan prezidenti “Gürcü Arzusu” tərəfindən rus qanununun yenidən gündəmə gətirilməsini ölkənin Avropa İttifaqına doğru irəlləyişinə sabotaj kimi qiymətləndirib. Fövqəladə brifinqdə Salome Zurabişvili bildirib ki, “bu çox böyük təhqirə” seçkilərdə cavab verilməlidir.
Əsas xəbərlər
“Mən cəmiyyətə müraciət edirəm, amma eyni zamanda “Oçneba”ya və “Oçneba” nümayəndələrinə də müraciət edirəm: təbrik edirəm, cənablar, çünki qadınlar artıq sizə görə sayılmırlar ya da sayılırlarsa da, onların adını elə hallandırırsınız ki, hallandırmasanız daha yaxşıdır. Siz elementar gürcü nəzakətini itirmisiniz, bu sizin üçün çox təəsüf vericidir. Amma ən əsas təbrik ediləsi hal odur ki, siz öz rus qanunlarınızı - mən Papuaşvilidən bu termini işlətdiyimə görə üzr istəyirəm, amma işlədəcəm, Gürcüstanın bu, yaxın tarixdə milli ruhla yükləndiyi martın 31-dən aprelin 9-dək olan həftəyə təsadüf etdirdiniz, amma sizdə ki bu yoxdur - nə milli, nə də avropalı ruh. Bu gün milli və avropalı, bu iki anlayış bir yerdədir. Bunu bir-birindən ayırmaq mümkün deyil və gürcü cəmiyyəti bunu çox gözəl anlayır. Siz gürcü cəmiyyətinin bu bir istiqamətdə birləşib - müstəqilliyi möhkəmləndirmək, Rusiya bura heç vaxt qayıtmayacağı Avropa yolumuzu gücləndirməyimizi görmək, eşitmək istəmirsiniz.
Artıq “Oçneba”, belə deyək öz üzünü göstərib. Dekabrın 15-dən, hardasa bir aylıq bir müddətdə bizə deyirdilər ki, bu Avropa qərarını əldə etdik, biz buna layiqik, bunun üçün hər şeyi etdik. Bu cür yeni ritorika bir müddət davam etdi, amma bu gün hər şey aydındır.
“Oçneba” mesjını çox açıq şəkildə ortaya qoydu – bütün istiqamətlərdə Avropaya “yox” dedi. Əvvəlki tövsiyyələrdə yazılanlar, bugünkü 9 tövsiyədə yazılanlar, sabahımızı müəyyən edən bütün mümkün məsələlər və üzvlük danışıqlarının açılması bütün istiqamətlərdə açıq şəkildə rədd edildi. Biz Avropadan bir növ avans aldıq və bu gün “Oçneba” bizim bu yolumuzu, gələcəyimizi sabotaj etməklə məşğuldur. Sabotaj ağlıma gələn yeganə sözdür.
Ədliyyə islahatına yox. Necə yox deyilə bilər? Biz Murusidze və Çinçaladzeni, hətta Gürcüstanın Avropa gələcəyinə də qurban verməyəcəyik deyirlər. Sanksiyalara qoşulmamaq və ya Aİ-nin xarici siyasətinə uyğunlaşmamaq. Bu isə, bizə deyildiyi kimi, bu birliyə qoşulmağımızı istəyirsiksə, zəruridir. Amerikaya ultimatum gülməlidir, biz çox əlayıq deyirlər. Biz Rusiyanı qıcıqlandırmamalıyıq - bütün bunların açarı budur. Ədalətli seçkilərə yox. Bizim və yalnız bizim qaydalarımız, bizim və yalnız bizim MSK-mız, bizim və yalnız MSK rəhbərimiz. Diasporun [seçkilərdə] iştirakına yox, kim bilir deyirlər, bizim olmasa sonra nə olar, - və təhqirlə müşaiət olunur, - biz hər podyezdə seçki məntəqəsi mi açacağıq deyir. Qadın hüquqlarına yox və gender bərabərliyi ilə bağlı praktiki olaraq həyata keçirilən yeganə tövsiyəmizə yox, gəlin geriyə qayıdaq, qadınlar butkalara deyirlər. Korrupsiyaya qarşı tədbirlər görülmür. Əksinə, belə çıxır ki, bizim nə hakimlərimizin, nə məhkəmə başçılarımızın, nə də keçmiş baş nazirlərimizin necə varlandığını bilməyə ehtiyac yoxdur. Əsas odur ki, onların varlı valideynləri, övladları, qardaşları var və cəmiyyətin bundan xəbəri yoxdur.
Yox və yox, aydındır ki, nəinki depolarizasiya, hətta əksinə, onlar bütün cəmiyyəti gərginləşməyə təhrik edirlər və bütün bu təşəbbüslə irəli sürülən qanunlar bu məqsədə xidmət edir - istər “LGBT”yə qarşı təxribat xarakterli təşəbbüs olsun, istərsə də ikinci dəfə rus qanununun tətbiqi.
Bütün bunlar öz xalqımızın və eyni zamanda bizə bu namizəd statusunu əvvəlcədən vermiş və bizdən bu yolla getdiyimizi və bu yolda addımlamaq üçün siyasi iradənin olduğunun səmimi ifadəsini gözləyən tərəfdaşlarımızın qarşılaşdığı çətinlikdir”, Salome Zurabişvili bildirib.
Prezidentin sözlərinə görə, “Gürcü Arzusu” xaosa və sabitliyi pozmağa, hamını radikal, xarici agent, müharibə tərəfdarı kimi vəftiz etməyə çalışır və s. Salome Zurabişvili qeyd edib ki, “bunlar çox məlum üsullardır”.
“Bütün bunların, bu tərbiyyəsizliyin, bu kobudluğun və Gürcüstana qarşı rus qanunu adlanan bu çox böyük təhqirin cavabı təkdir, bizim Avropa fikrimizi seçki yolu ilə söyləməkdir.
Tezliklə seçkilər gəlir. Hökumət real rəqəmlərin nə olduğunu bizdən daha yaxşı bilir; Onlar çox yaxşı bilirlər ki, nə konstitusiya çoxluğu, nə də Mişanın qayıdışı... bütün bunlar artıq xalqı qorxutmaq istədikləri miflərdir. Reallıq budur ki, ölkədə bu ölkənin müstəqil və Avropalı gələcəyi üçün nə istədiklərini və istədiklərini bilən böyük əksəriyyət var.
Biz seçkilərə getməliyik, bunun üçün ən böyük səfərbərlik lazımdır. Nə ümidsizlik, nə depressiya, nə bədbinlik, nə də çox qarışıqlıq.
Burada elə hazırlaşmalıyıq ki, biz hamımız bu seçkilərə bir Avropa bayrağı altında - bir neçə partiya ilə, bəlkə də, bir bayraq altında gedək və bu, Avropa bayrağıdır, Avropanın fəaliyyət planıdır ki, onun üzərində çalışacağıq və birləşəcəyik. Ancaq bu, partiyaların birləşməsi demək deyil, onların genişlənməsi, ən əsası isə cəmiyyətin birləşməsi, Avropa üzrə milli razılaşma deməkdir.
Mən bu bayrağı sona qədər saxlayacağam və qalib gəlmək üçün sizinlə olacam, Avropa və Avropalı Gürcüstanı bu seçkilərdə qalib gələcək. Bu gün “Oçneba”nın fırlandığı bu planlar və hiylələr heç nə edə bilməz”, - Zurabişvili bildirib.
Hakim partiya 2023-cü ilin martında etirazlar və beynəlxalq təzyiqlər səbəbindən ləğv edilən “xarici agentlər haqqında” qanunu üç oxunuşda qəbul etmək niyyətindədir. Qanun layihəsinin mətni eyni olacaq, yalnız “xarici təsir agenti” adlanması “xarici güclərin maraqlarını daşıyan təşkilat” ifadəsi ilə əvəz olunacaq. Bu gün keçirilən brifinqdə hakim partiyanın icraçı katibi Mamuka Mdinaradze qeyd edib ki, qanun layihəsinə sürətləndirilmiş qaydada baxılmayacaq və hətta keçənilkindən daha böyük etiraz olsa belə geri götürülməyəcək. “Heç bir halda. Bu, prinsipial məsələdir”, - Mdinaradze bildirib. İndiyədək “Gürcü Arzusu”nun liderləri qanun layihəsinə qayıtmayacaqlarını və bu məsələ bağlandığını bəyan etmişdilər.
