Gürcüstan parlamenti 16 əleyhinə 85 lehinə səslə Qiorqi Kalandarişvilini 5 il müddətinə Mərkəzi Seçki Komissiyasının sədri seçib. Maia Zaridze, Qiorqi Şarabidze və Qia Tsatsaşvili eyni müddətə MSK üzvü seçiliblər.
Əsas xəbərlər
Oxucunun seçimi
- 1 Rus qanununu vasitəsilə fiziki şəxsləri də cərimələmək mümkün olacaq
- 2 Bidzina İvanişvilinin anti-qərb mesajları
- 3 Parlament rus qanununu üçüncü oxunuşda 84 səslə qəbul edib | Qanunu dəstəkləyənlərin siyahısı
- 4 Bu qanunu gözəlləşdirəcəyimə ümidiniz olmasın, bu qanun rus tiplidir və belə də qalacaq
- 5 Qanun dəyişdirilməsə, məsul şəxslərə və onların ailələrinə qarşı məhdudiyyətlər tətbiq olunacaq - O’Brayen
- 6 Təslim olmayın, bizdən şifahi dəstəkdən daha çoxunu gözləyə bilərsiniz - Rot aksiyada bildirib
Aprelin 16-da MSK sədrinin və üzvlərinin seçilməsi üçün səsvermə keçirilsə də, ilk səsvermədə namizədlərdən heç biri seçilmək üçün lazım olan 90 səsi toplaya bilməyib. Parlament sədri Şalva Papuaşvili izah edib ki, “Gürcü Arzusu”nun əksər üzvləri ilə yanaşı, “Qirçi” və “Avropa Sosialistləri”nin deputatları da namizədi dəstəkləyənlər arasında olublar ki, bu da cəmdə 91 səs deməkdir, lakin onların müəyyən hissəsi ezamiyyətdə olub.
“Əslində 91 deputatın dəstəyi var idi, halbuki bu, qanuni olaraq qeydə alına bilməzdi. Ona görə də bu gün ikinci səsvermə keçirilir. İkinci səsvermə üçün 76 səs lazımdır”, - Papuaşvili bu gün səsvermə başlamazdan əvvəl bildirib.
Qiorqi Kalandarişvilinin MSK sədri seçilməsi üçün “Gürcü Arzusu” seçki məcəlləsində dəyişikliklər edib. Nəticədə MSK sədri və 7 “partiyasız”, peşəkar üzv seçimi müsabiqəsi elan etmək və müsabiqə komissiyası yaratmaq səlahiyyəti prezidentdən alınıb. Bundan başqa, 76 deputatın dəstəyi ilə MSK sədri və üzvlərini 5 il müddətinə seçmək mümkün olub. Bu, dəyişikliklərdən əvvəl 5 illik müddətə seçilmək üçün parlamentin tam tərkibinin 2/3-nin, yəni 100 deputatın dəstəyini almaq lazım idi. 2/3-dən az səslə seçilərsə, MSK sədri və üzvlərinin səlahiyyət müddəti cəmi 6 ay idi.
Prezident Salome Zurabişvili seçki məcəlləsindəki dəyişikliklərə veto qoyub və izah edib ki, 100 əvəzinə 76 səslə seçki konsensus əsasında qərarların qəbuluna ehtiyacı aradan qaldırır və qütbləşmə riskini artırır. Parlament vetonu aşıb.
Qiorqi Kalandarişvili 2021-ci ilin avqustunda 6 ay müddətinə Mərkəzi Seçki Komissiyasının sədri seçilib. Ondan bu yana o heç vaxt 100 deputatın dəstəyini ala bilməyib və vəzifəsini 6-6 müddətinə yerinə yetirib. Bu əsasda 2022-ci ilin sonunda prezident Salome Zurabişvili Kalandarişvilini növbəti dəfə sədrliyə namizəd kimi irəli sürməkdən imtina edib. Onun izah etdiyi kimi, davamlı olaraq eyni namizədin təqdim edilməsi və onun cəmi 6 ay müddətinə seçilməsi “bu son dərəcə mühüm dövlət qurumu olan MSK-nın güclənməsinə və demokratik inkişafa töhfə vermir”.
