Hakim “Gürcü Arzusu” partiyasının sədri İrakli Kobaxidze deyir ki, hökumət rus qanunlarına qarşı etirazların dağıdılması ilə bağlı minimum tədbirlər görüb, “yalnız su, sprey və müvafiq qazdan istifadə olunub. Qarşı tərəfdən çox qəddar zorakılıq olsa da, etirazçılara qarşı kobud güc tətbiq edilməyib”.
Əsas xəbərlər
Oxucunun seçimi
“Bu inqilabi plan onlu və ya onsuz iflasa uğrayacaqdı. Prosesi davam etdirmək üçün dövlətin tam resursları var idi. Biz bu qanunu qəbul edə bilərdik. Biz bu qanun layihəsini məhz, dövlət öz resurslarını ortaya qoyduqda geri götürdük. Dövlət öz imkanlarını ortaya qoyurdu və hökumət prosesləri idarə etmək qabiliyyətinə malik olduğunu hamıya göstərdiyi anda qanun layihəsini geri götürdü. Burada yeganə səbəb - qarşı tərəfdən bir nəfərin belə sağlamlığını və həyatını riskə ata biləcək ciddi təxribatların həyatə keçmə riski idi. Biz buna imkan vermədik”, - deyə Kobaxidze “İmedi” televiziyasının efirində bildirib.
Bir neçə deputatın “Gürcü Arzusu”nu tərk edəcəyi ilə bağlı yayılan məlumatlara haqqında, Kobaxidze qeyd edib ki, hər hansı bir yerdəyişmə olarsa, bu, komandanın xaricində daxilində olacaq.
“Bir neçə deputat, həmkarlarımız, dostlarımız bu qanun layihəsini dəstəkləmədilər. Bunun konkret səbəbi - deputatlara qarşı faşist kampaniyanın həyata keçirilməsi idi. Təzyiqlər o qədər ağır idi ki, bir çox deputat son anda komanda işindən qaynaqlanaraq bu qərarı verib, qanun layihəsini dəstəklədilər.
Biz hamımız özümüzə qarşı həyata keçirilən faşist təzyiqinin öhdəsindən hansısa şəkildə gələ bilərik, ancaq bu sizin azyaşlı övladınıza qarçı edildikdə, bu cür təzyiqlərin öhdəsindən gəlmək asan olmur. Təsəvvür edin, 8 yaşlı uşaq var, məktəb şagirdi və onun müəllimi Facebook-da yazır ki, uşağın valideyni satqındır. Faşizmin dərəcəsini təsəvvür edin. Ötən əsrin 40-cı illərində Almaniyada nasistlər belə bir şey cürət etməyiblər. Faşizmin dərəcəsi ən yüksək idi. Bu liberal faşizmdir”.
Hakim partiya sədrinin sözlərinə görə, onlar bunu sona qədər deşifrə ediblər və bu gün “inqilab planlarının ötən il və bir həftə əvvəl iflasa uğradığı kimi uğurla iflasa uğraması üçün lazım gələrsə, hansı tədbirlərin görülməli olduğunu dəqiq bilirlər”.
“Əslində bu qanun layihəsi ətrafında apardığımız müzakirələrdən nə əldə etdik? Agentliyin biabırçı və abırsız bir hərəkət olduğunu cəmiyyətdə hamı anladı.
İkincisi, cəmiyyət ölkəmizdə kim agent olub, kimin olmadığını, kimin hansı fəaliyyətlə məşğul olduğunu ayırd etdi. Bu da çox vacib bir şeydir. Üçüncüsü - biz tez-tez “Bakuriani planlarından” danışırıq. Bu planın kiçik bir təzahürü də ötən həftə gördüyümüz proseslər oldu. Bu plan bir daha iflasa uğradı. Sonda bu proses, o cümlədən agentlərin lüstrasiyası, “Milli Hərəkatın” NGO-ların vasitəçiliyi və köməyi ilə Gürcüstanda heç vaxt hakimiyyətə qayıtmayacağının zəmanətidir”, - Kobaxidze bildirib.
“Gürcü arzusu” martın 7-də Rustaveli prospektində minlərlə insanın iştirak etdiyi etiraz aksiyalarını özü ilə bərabər gətirən “xarici təsirin şəffaflığı haqqında” qanun layihəsini birinci dinləmədə 78 deputatın müsbət rəyi ilə qəbul edib. Bundan sonra Daxili İşlər Nazirliyi gözyaşardıcı qaz, su şırnaqları və digər vasitələrdən istifadə etməklə dinc nümayişçiləri dağıdıb. Nümayişçilərin dağıdılması zamanı aldığı xəsarətlər nəticəsində mitinq iştirakçılarından birinin bir gözü görmə qabiliyyətini itirib. Polis 133 vətəndaşı inzibati, bir nəfəri isə cinayət məsuliyyətinə cəlb edib. Daxili İşlər Nazirliyi bildirir ki, zorakılıq hadisələri ilə bağlı Cinayət Məcəlləsinin 353 prima və 187-ci (polis əməkdaşlarına hücum və özgənin əmlakına ziyan vurma) maddələri ilə istintaq davam etdirilir. Vətəndaşların etirazı nəticəsində “Gürcü arzusu” rus qanununu rədd edərək martın 10-daki ikinci dinləmədə onu ləğv edib.
