შვეიცარულმა ბანკმა Credit Suisse-მა საქართველოს ყოფილ პრემიერ-მინისტრს, მილიარდერ ბიძინა ივანიშვილს, ხანგრძლივი სასამართლო დავის პერიოდში, ჯამურად 210 მილიონი დოლარი გადაუხადა. ამის შესახებ გამოცემა Bloomberg შვეიცარული ბანკის სპიკერის ელექტრონულ შეტყობინებაზე დაყრდნობით წერს. უცნობია სინგაპურში მიმდინარე სასამართლო დავის ფარგლებში გადახდილი თანხის ოდენობა ან დროის პერიოდი.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
საქმე ეხება თაღლითობას, რომლის შესახებაც 2015 წელს გახდა ცნობილი. Bloomberg-ი წერს, რომ ქართველმა მაგნატმა Credit Suiss-ის სატრასტო განყოფილებას სინგაპურში 800 მილიონი აშშ დოლარის ზარალის და დაკარგული შემოსავლის ანაზღაურებისთვის უჩივლა, რომელსაც, მისი თქმით, წლების განმავლობაში მიიღებდა, თუკი მისი თანხა უსაფრთხოდ იქნებოდა დაბანდებული.
Credit Suiss-ის ბანკირი პატრიკ ლესკადრონი 2018 წელს დამნაშავედ ცნეს თაღლითური სქემისთვის, რომელსაც ის იყენებდა ივანიშვილის ანგარიშებიდან ფულის ასაღებად სხვა კლიენტების პორტფელებში მზარდი ზარალის დაფარვის მიზნით. 2020 წელს მან სიცოცხლე თვითმკვლელობით დაასრულა.
Credit Suisse-ის ტრასტის მტკიცებით, მისი პასუხისმგებლობა შემოიფარგლებოდა ბიძინა ივანიშვილის კუთვნილი აქტივების ადმინისტრირებით და სწორედ მაგნატის ან მისი ქართველი ბიზნესმრჩევლის პასუხისმგებლობა იყო, საინვესტიციო გადაწყვეტილებების მეთვალყურეობა. შესაბამისად, ნებისმიერ დანაკარგზეც პასუხისმგებლობა მათ ეკისრებათ. ბანკი ასევე აცხადებდა, რომ ლესკადრონი დამოუკიდებლად მოქმედებდა და თავის დანაშაულს კოლეგებისგან მალავდა.
ჯერ კიდევ 2022 წლის მარტში, ივანიშვილმა Credit Suisse-სთან 607 მილიონ დოლარიანი დავა მოიგო ბერმუდის უზენაეს სასამართლოში, რომელმაც დაადგინა, რომ Credit Suisse-ის სიცოცხლის დაზღვევის დეპარტამენტმა ლესკადრონის თაღლითობა უგულებელყო. ამჟამად, დეპარტამენტის მიერ ეს გადაწყვეტილება გასაჩივრებულია.
