„თავისი საქმიანობის დასაფინანსებლად და ოპოზიციის შევიწროებისთვის „ქართული ოცნება“ ეყრდნობა მთელ მსოფლიოში მდებარე თაღლითური ქოლ-ცენტრების ქსელიდან მიღებულ შავ ფულს“, - აცხადებს ამერიკის შეერთებული შტატების ჰელსინკის კომისია.
ახალი ამბები
მკითხველის რჩეული
- 1 „ამომრჩევლის ირიბი მოსყიდვაა“ - პრეზიდენტმა ამნისტიის კანონს ხელი მოაწერა
- 2 ილიას სახელმწიფო უნივერსიტეტს ავტორიზაცია ერთი წლის თავზე მონიტორინგის პირობით მიანიჭეს
- 3 მოვუწოდებთ საერთაშორისო მისიებს, 26 ორგანიზაციის ინფორმაცია არ გაითვალისწინონ - მიქანაძე
- 4 „ოკუპაციაზე ხომ ვისაუბრე?!“ - კობახიძე კითხვაზე, რატომ არ ახსენა გაეროში რუსეთი
- 5 სასამართლომ გორში დაკავებული ბიზნესმენი იოსებ ბაბაევი სამართალდამრღვევად ცნო
- 6 სოხუმის დაცემიდან 31 წელი გავიდა
კომისიის მიერ სოციალურ ქსელ X-ში გამოქვეყნებულ განცხადებაში ნათქვამია, რომ აშშ-ის სახელმწიფო დეპარტამენტმა უნდა შეაჩეროს აღნიშნული ქოლ-ცენტრები, რომლებიც „ქართველი ხალხის წინააღმდეგ „ქართული ოცნების“ ანტიდემოკრატიულ კამპანიას აფინანსებენ“.
„ქართული ოცნების“ მიერ „შავი ფულის“ გამოყენება ნახსენები იყო ჰელსინკის კომისიის წევრი ამერიკელი კონგრესმენების - ჯო უილსონის, სტივ კოენის, რიჩარდ ჰადსონის და მარკ ვისის წერილშიც, რომლითაც მათ 31 ივლისს აშშ-ის სახელმწიფო მდივანს ენტონი ბლინკენს მიმართეს და ბიძინა ივანიშვილისა და მისი ახლო გარემოცვისთვის სანქციების დაწესება მოითხოვეს.
კონგრესმენები მიიჩნევენ, რომ აუცილებელია სახელმწიფო დეპარტამენტმა, აშშ-სთან და მეგობარი უცხო ქვეყნების სამართალდამცავ ორგანოებთან თანამშრომლობით, მიიღოს სწრაფი, დაუყოვნებელი და სისტემატური ზომები „ქოლ ცენტრების“ ქსელების წინააღმდეგ საერთაშორისო დონეზე, რათა ხელი შეუშალონ მათ ოპერაციებს.
ევროპაში უსაფრთხოებისა და თანამშრომლობის კომისია, რომელიც აშშ-ის ჰელსინკის კომისიის სახელითაც არის ცნობილი, შეერთებული შტატების ფედერალური მთავრობის დამოუკიდებელი კომისიაა. ჰელსინკის კომისია 1976 წელს დაფუძნდა და მის შემადგენლობაში სენატის, კონგრესის წარმომადგენელთა პალატის, სახელმწიფო, თავდაცვისა და ვაჭრობის დეპარტამენტების წარმომადგენლები შედიან.