შიდა ქართლის სახელმწიფო რწმუნებულად გურიის პოლიციის დეპარტამენტის დირექტორი ლევან ხარაბაძე დაინიშნა. მთავრობის ადმინისტრაციის ინფორმაციით, პრემიერ-მინისტრი ირაკლი კობახიძე ახალ გუბერნატორს დღეს შეხვდა და რეგიონში მიმდინარე და დაგეგმილ პროექტებზე ესაუბრა.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 ვინ არის ბათუმის საქალაქო სასამართლოს მოსამართლე ნინო სახელაშვილი
- 3 ბაკურციხე-თბილისის გზაზე ავტოავარიის შედეგად ოთხი ადამიანი დაიღუპა
- 4 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 5 „შერატონის“ მენეჯერის თქმით, ქორიძესა და გახარიაზე თავდასხმის ჩანაწერები შსს-ს ჯერ არ ამოუღია
- 6 „ბო*იშვილი ვიყო, სისხლით დავიჭერ“ - ბათუმის პოლიციის უფროსი ირაკლი დგებუაძე მზია ამაღლობელზე
ლევან ხარაბაძემ სახელმწიფო რწმუნებულის თანამდებობაზე მიხეილ შაყულაშვილი ჩაანაცვლა. შაყულაშვილმა, რომელიც გუბერნატორად 2022 წლის აგვისტოში მაშინდელმა პრემიერ-მინისტრმა, ირაკლი ღარიბაშვილმა დანიშნა, თანამდებობა ღარიბაშვილის გადადგომიდან მალევე, მარტის დასაწყისში დატოვა. ის უარყოფდა, რომ თანამდებობიდან წასვლა პრემიერის შეცვლის გამო გადაწყვიტა. მისი თქმით, საჯარო სამსახურში 26-წლიანი მუშაობის შემდეგ დაიღალა და კერძო სექტორში გადასვლა სურდა.
ახალი გუბერნატორი პროფესიით სამართალმცოდნეა. 2021 წლიდან დღემდე ის შინაგან საქმეთა სამინისტროს გურიის პოლიციის დეპარტამენტის დირექტორი იყო, 2019-2021 წლებში სამცხე-ჯავახეთის პოლიციის დეპარტამენტს ხელმძღვანელობდა. მთავრობის ადმინისტრაციის ცნობით, ლევან ხარაბაძეს მენეჯერულ პოზიციებზე მუშაობის მრავალწლიანი გამოცდილება აქვს.
